आइपिएलमा सनराइजर्सको लगातार तेस्रो जित 

खरीबोट
ad

काठमाडौं ।  आइपिएल अन्तर्गत सनराइजर्स हैदरावादले लगातार तेस्रो खेलमा जित हासिल गरेको छ । 

गएराती भएको खेलमा कोलकोता नाइटराइडर्सलाई ५ विकेटले पराजति गर्दै हैदरावादले लगातार तेस्रो खेलमा जित हासिल गरेको हो ।

कोलकोताले दिएको १३९ रन पछ्याएको हैदरावादले १९ ओभरमा ५ विकेट गुमाउदै लक्ष्य पुरा गरेको थियो ।

हैदरावादको जितमा कप्तान केन विलियम्सनले सर्वाधिक ५० रनको पारी खेलेका थिए भने सकिव अल हसनले २७ रन बनाएका थिए । त्यस्तै सिखर धवनले २४ र युसुफ पठानले १७ रन बनाएका थिए ।

कोलकोताका बलर सुनिल नारनले २ तथा मिचेल जोनसन, कुलदीप यादव र पियुस चावलाले एक एक विकेट लिएका थिए ।

यसअघि टस हारेर पहिला ब्याटिंग गरेको कोलकोताले २० ओभरमा ८ विकेट गुमाउदै १३८ रन बनाएको थियो । कोलकोताका लागि क्रिस लियनले सर्वाधिक ४९ रन बनाएका थिए भने कप्तान दिनेश कार्तिकले २९ रन बनाएका थिए । त्यस्तै नितिस रानाले १८ रनको योगदान दिएका थिए ।

सनराइजर्सका बलर भुवनेश्वर कुमारले ३, बिली स्टानलेक तथा सकिव अल हसनले २-२ विकेट लिएका थिए ।

खेलको म्यान अफ द म्याच सनराइजर्सका बिली स्टानलेक बनेका थिए । उनले ४ ओभर बलिङ गर्दै २१ रन दिएर २ विकेट लिएका थिए । उनले कोलकोताका नितिस राना र आन्द्रे रसेललाई आउट गरेका थिए ।

आइपिएल अन्तर्गत आज दुई खेल हुदै छन् । पहिलो खेल नेपाली समय अनुसार सवा ४ बजे रोयल्स च्यालेन्जर्स बैंगलोर र राजस्थान रोयल्सबीच हुदै छ बहने दोअरो खेल राति सवा ८ बजे चेन्नई सुपर किंग्स र किंग्स इलेभेन पंजावका बीच हुदै छ ।    
 

सम्बन्धित समाचार

सन्दीपसँग आइपिएल खल्ने पृथ्वी भारतीय टेस्ट टिममा 

काठमाडौँ। भारतका अन्डर १९ कप्तान पृथ्वी शाहले टेस्टमा डेभ्यु गर्ने भएका छन्। इङल्याण्डविरुद्धको चौथो टेष्टका लागि भारतीय क्रिकेट बोर्डले १८ वर्षे ओपनर पृथ्वीलाई टिममा बोलाएको छ । पृथ्वीलाई भारतका ओपनर ब्याट्सम्यान

आइपिएलमा सट्टेबाजी गर्ने नागराज जेल चलान 

काठमाडौं । इन्डियन प्रिमियर लिग क्रिकेट(आईपीएल) मा सट्टेबाजी  खेलाउने भन्दै विभिन्न व्यक्तिलाई ठग्ने नागराज, अमृत भनिने नथमल अग्रवाल जेल चलान भएका छन् । महोत्तरी घर भएका राकेश सिंहलगायतका व्यक्तिसँग उनले आईपीएलमा

आइपिएलका विस्फोटक ब्याट्सम्यान रिसभ पन्त भारतीय टेस्ट टिममा, रोहित शर्मा परेनन्

नयाँदिल्ली । भारतका विस्फोटक ब्याट्सम्यान रोहित शर्मा इङल्याण्डविरुद्धको पहिलो तीन टेस्टमा टिममा पर्न असफल भएका छन् ।  आगामी अगस्त एकबात सुरु हुने टेस्ट खेलका लागि घोषणा गरिएको १८ सदस्यीय टिममा

अरबाज खानले आइपिएलमा सट्टा लगाएको स्वीकारे, सट्टामा २.७५ करोड हारेको खुलासा 

मुम्बई । बलिवुडका सुपरस्टार सलमान खानका भाई अरबाज खानले प्रहरीसमक्ष आफुले आइपिएलमा सट्टा लगाउने गरेको बयान दिएका छन् । प्रहरीले आइपिएलमा भारत र भारत बाहिर सट्टा लगाउने ठुलो गिरोहलाई पक्राउ गरेपछि