- २०८१ कार्तिक १६ शुक्रबार
नयाँ दिल्ली । कोरोना भाइरसको नयाँ भेरियन्ट भारतको ११ राज्यमा फैलिएको छ ।
भारतको जेनोमिक्स कन्सोर्टियम (इन्साकोग) ले केन्द्रीय स्वास्थ्य मन्त्रालयमा पेश गरेको आफ्नो प्रतिवेदनमा गत महिना नोभेम्बरमा जीनोम सिक्वेन्सिङका क्रममा देशका पहिलो चार जेएन-१ संक्रमित केसहरू पत्ता लागेको बताएको थियो, तर यो महिना १७ संक्रमित फेला परेका थिए । कुल आठ नमूनाको जीनोम सिक्वेन्सिङमा सबैमा जेएन १ बाट संक्रमण देखिएको थियो भने अघिल्लो साता २० प्रतिशत र ५० प्रतिशत नमूनामा यो संक्रमण देखिएको थियो ।
स्वास्थ्य मन्त्रालयका अनुसार अहिले जेएन-१ को संक्रमण देशका ११ राज्यमा पुगेको छ । केरला, कर्नाटक, तमिलनाडु र महाराष्ट्र बाहेक, गोवा, पुडुचेरी, गुजरात, तेलंगाना, पञ्जाब, दिल्ली र राजस्थानमा पनि कोरोना संक्रमित बिरामीहरू रिपोर्ट गरिएको छ, जसको नमूनाहरूको जीनोम सिक्वेन्सिङ अहिले जारी रहेको छ ।
इन्साकोगका विज्ञहरूले स्वास्थ्य मन्त्रालयलाई प्रतिवेदनमा जीनोम सिक्वेन्सिङबाट कोरोनाको नयाँ रूप रहेको खुलासा गरेको बताएका छन् । हाल देशका ६० वटा चिकित्सा संस्थानको प्रयोगशालामा थोरै नमूनाको जीनोम सिक्वेन्सिङ भइरहेको छ । प्रतिवेदनले राज्यहरूलाई जीनोम सिक्वेन्सिङ बढाउन निर्देशन दिन सिफारिस गरेको छ ताकि वास्तविक अवस्था थाहा पाउन सकिन्छ। इन्साकोगले जेएन-१ सब भेरियन्टका केसहरूको संख्या अहिलेसम्म रिपोर्ट गरिएको भन्दा आगामी दिनहरूमा धेरै हुन सक्ने बताइएको छ ।
एनसीडीसीको प्रतिवेदनअनुसार देशमा कुल २ हजार ६६९ सक्रिय संक्रमितमध्ये ४५ बिरामी १० राज्यका अस्पतालमा भर्ना छन् ।
केन्द्रीय स्वास्थ्य मन्त्रालयले बिहीबार देशमा कोरोना संक्रमणका कारण ६ जनाको मृत्यु भएको जनाएको छ । केरलामा तीन, कर्नाटकमा दुई र पञ्जाबमा एक जनाको मृत्यु भएको छ । योसँगै हिजो ३५८ जनामा कोरोना संक्रमण भेटिएपछि सक्रिय अर्थात् उपचारत बिरामीको संख्या २ हजार ३०५ बाट २ हजार ६६९ पुगेको छ ।
