- २०८१ बैशाख १५ शनिबार
काठमाडौँ, ५ माघ । बार्सिलोना स्पेनिस कोपा डेल रे को क्वाटरफाइनलमा पुगेको छ ।
गएराती सम्पन्न खेलमा बार्सिलोनाले युनियनइस्टासलाई ३-१ गोल अन्तरले पराजित गर्दै यस सिजनको कोपाको क्वाटरफाइनलमा पुगेको हो ।
बार्सिलोनाको जितमा फेरान टोरेज, जुलेज कोउन्डे र अलेजान्द्रो बल्डेले एक एक गोल गरेका थिए । त्यस्तै युनियनइस्टासका लागि अल्भारो गोमेजले एक गोल गरेका थिए ।
योसँगै यस सिजनको कोपा डेल रे को क्वाटरफाइनलमा पुग्ने ८ क्लबको टुंगो लागेको छ । जसमा बार्सिलोनासहित एटलेटिको म्याड्रिड, एथलेटिक बिल्बाओ, सेल्टा भिगो, गिरोना, मल्लोर्का, रियल सोसियडाड र सेभिया रहेका छन् ।
क्वाटरफाइनलको ड्र आज हुने छ ।
