काठमाडौं । इलाम- २ मा नेकपा एमालेका उम्मेदवार सुहाङ नेम्वाङले फराकिलो मतान्तरसहित अग्रता बनाएका छन् ।
उनले ८८९८ मत प्राप्त गरेका छन् भने नेपाली कांग्रेसका डम्बर खड्का ६२८० मत प्राप्त गरेका छन् । अहिले सुहाङ २६१८ मतले अगाडी रहेका छन् ।
त्यसैगरी पहिचान पक्षका स्वतन्त्र उम्मेदवार डेकेन्द्र थेगिमले पनि पछिल्लो गणनामा मत बढाउदै लगेका छन् । उनले अहिलेसम्म ४६३४ मत प्राप्त गरेका छन् भने रास्वपा मिलन लिम्बु १३०५ मत प्राप्त गरेका छन् ।
इलाम-२ मा अहिलेसम्म २१ हजार ८१० मत गणना भएको छ । कुल १ लाख १५ हजार ८८९ मतदाता रहेको इलाम- २ मा जम्मा ६९ हजार २ सय ८७ मत खसेको थियो ।