- २०८१ जेठ २ बुधबार
काठमाडौं । इलाम- २ मा नेकपा एमालेका उम्मेदवार सुहाङ नेम्वाङले फराकिलो मतान्तरसहित अग्रता बनाएका छन् ।
प्राप्त पछिल्लो विवरण अनुसार सुहाङले १२ हजार ४०५ मत प्राप्त गरेका छन् भने नेपाली कांग्रेसका डम्बर खड्का ७८८२ मत प्राप्त गरेका छन् । अहिले सुहाङ ४५२३ मतले अगाडी रहेका छन् ।
त्यसैगरी पहिचान पक्षका स्वतन्त्र उम्मेदवार डेकेन्द्र थेगिमले पनि पछिल्लो गणनामा मत बढाउदै लगेका छन् । उनले अहिलेसम्म ७७६९ मत प्राप्त गरेका छन् भने रास्वपा मिलन लिम्बु १६३६ मत प्राप्त गरेका छन् ।
त्यसैगरी यस क्षेत्रमा एकीकृत समाजवादीका जित बहादुर राईले २८६ मत प्राप्त गरेका छन् भने राप्रपाका लक्ष्मी गुरुङले ५७ मत प्राप्त गरेका छन् ।
इलाम-२ मा अहिलेसम्म ३० हजार ५६३ मत गणना भएको छ । कुल १ लाख १५ हजार ८८९ मतदाता रहेको इलाम- २ मा जम्मा ६९ हजार २ सय ८७ मत खसेको थियो ।
