- २०८१ जेठ ३ बिहीबार
काठमाडौं । इलाम- २ मा नेकपा एमालेका उम्मेदवार सुहाङ नेम्वाङले फराकिलो मतान्तरसहित अग्रता कायमै राखेका छन् ।
प्राप्त पछिल्लो विवरण अनुसार सुहाङले २० हजार ५९६ मत प्राप्त गरेका छन् भने नेपाली कांग्रेसका डम्बर खड्का १३९९० मत प्राप्त गरेका छन् । अहिले सुहाङ ६५७९ मतले अगाडी रहेका छन् ।
त्यसैगरी पहिचान पक्षका स्वतन्त्र उम्मेदवार डेकेन्द्र थेगिमले पनि पछिल्लो गणनामा मत बढाउदै लगेका छन् । उनले अहिलेसम्म ९६५९ मत प्राप्त गरेका छन् भने रास्वपा मिलन लिम्बुले ३४५० मत प्राप्त गरेका छन् ।
इलाम-२ मा अहिलेसम्म करिब ५० हजार मत गणना गरेको निर्वाचन आयोगले जनाएको छ । कुल १ लाख १५ हजार ८८९ मतदाता रहेको इलाम- २ मा जम्मा ६९ हजार २ सय ८७ मत खसेको थियो ।
(यस समाचारको शिर्षकमा यस अघि ६५ सय हुनुपर्नेमा अन्यथा भएकोले सच्याइएको छ- सम्पादक)
