- २०८३ बैशाख २९ मंगलबार
काठमाडौँ । एसेज सिरिजको पाँचौं तथा अन्तिम टेस्टमा अस्ट्रेलिया बलियो अवस्थामा पुगेको छ ।
टेस्टको चौथो दिनको खेल सकिदा इङल्याण्डले ११९ रनको अग्रता लिएको छ । इङल्याण्डले दोस्रो इनिंगमा ३०२ रन बनाएर ८ विकेट गुमाएको छ । इङल्याण्डका ज्याकब बेथेलले डेभ्यु सेन्चुरी बनाउदै १४२ रन बनाएर अविजित रहेका छन् ।
यसअघि अस्ट्रेलियाले पहिलो इनिंगमा ५६७ रन बनाएर अलआउट भएको थियो । यस क्रममा स्टिभ स्मिथले १३८ र ट्राभिस हेडले १६३ रन बनाएका थिए ।
यस टेस्टमा यसअघि इङल्याण्डले पहिला ब्याटिंग गर्दै जो रुटको १६० रनको शतकीय पारीको मद्धतले ३८४ रन बनाएको थियो । अब टेस्टको पाँचौं दिन रोमाञ्चक हुने देखिएको छ ।
५ खेलको सिरिज अस्ट्रेलियाले ३-१ ले जितिसकेको छ । यस सिरिजमा लगातार तीन खेलमा हार बेहोरेको इङल्याण्डले चौथो टेस्ट जितेको थियो ।
