- २०८३ बैशाख ५ शनिबार
काठमाडौँ । नेपाली कांग्रेसको विशेष महाधिवेशन पक्षले निर्वाचन कार्यक्रममा फेरि संशोधन गरेको छ ।
निर्वाचन समितिले साँझ ६ बजे उम्मेदवारको अन्तिम नामावली प्रकाशन गर्ने र ८ बजेदेखि मतदान सुरु गर्ने जानकारी दिदै निर्वाचन कार्यक्रम संशोधन गरेको छ ।
समितिले उम्मेदवारको प्रथम नामावली ४ बजे प्रकाशन गर्ने, उम्मेदवारमा दाबी विरोध ४ देखि साढे ४ बजेसम्म गर्न सकिने, उम्मेदवारमाथिको दाबी विरोधमा छानबिन साढे ४ देखि ५ बजेसम्म, उम्मेदवारी फिर्ता साढे ५ बजेसम्म, उम्मेदवारको अन्तिम नामावली ६ बजे प्रकाशित गरी ८ बजेदेखि मतदान सुरु गर्ने तालिका सार्बजनिक गरेको छ ।
यसैबीच सानेपामा जारी केन्द्रीय समितिमा कार्यवाहक सभापति पूर्ण बहादुर खड्काले पार्टी फुटतर्फ अगाडी बढेको ब्रिफिङ गरेका छन् ।
