- २०८३ जेठ ६ बुधबार
काठमाडौं । परराष्ट्रमन्त्री शिशिर खनालले प्रतिनिधिसभाअन्तर्गत अन्तर्राष्ट्रिय सम्बन्ध तथा पर्यटन समितिले आयोजना गरेको मन्त्रालयको नीति तथा कार्यक्रमसम्बन्धी छलफलमा सहभागिता जनाएका छन् ।
छलफलमा नेपालको प्रमुख परराष्ट्र नीति प्राथमिकता, राष्ट्रिय हितको प्रवर्द्धन तथा विदेशमा रहेका नेपाली नागरिकको हित र कल्याणका विषयमा केन्द्रित भएर चर्चा गरिएको थियो।
कार्यक्रममा उठाइएका विषय र सुझावमाथि प्रतिक्रिया दिँदै मन्त्री खनालले राष्ट्रिय हितलाई केन्द्रमा राखेर सिद्धान्तमा आधारित परराष्ट्र नीति अवलम्बन गर्ने सरकारको प्रतिबद्धता दोहोर्याएका छन् ।
उनले कूटनीतिक सम्बन्धलाई थप सुदृढ बनाउने तथा सेवा प्रवाहलाई प्रभावकारी बनाउने दिशामा सरकार अघि बढिरहेको पनि बताएका छन् ।
