- २०८३ भदौ १४ आइतबार
2026-06-26-05-49-27.jpeg)
काठमाडौँ । स्विट्जरल्यान्डको उत्तरी आरगाउ राज्यमा आयोजित एक सांगीतिक कार्यक्रममा गोली चल्दा एक जनाको मृत्यु भएको छ भने पाँच जना घाइते भएका छन् । घाइतेमध्ये केहीको अवस्था गम्भीर रहेको स्थानीय प्रहरी र सञ्चारमाध्यमले जनाएका छन् ।
राज्य प्रहरीका अनुसार राजधानी आराउमा आयोजित कार्यक्रममा गोली चलेको थियो । घटनापछि प्रहरीले ठूलो संख्यामा सुरक्षाकर्मी परिचालन गरी खोजी अभियान थालेको छ ।
प्रहरीले गोली चलाउनुको कारण र घटनाको वास्तविक परिस्थिति अझै स्पष्ट नभएको जनाएको छ । घटनामा संलग्न भएको आशंका गरिएको अज्ञात आक्रमणकारीको खोजी भइरहेको प्रहरीले जनाएको छ । गोलीकाण्ड आराउको शाकेन क्षेत्रमा रहेको घोडा दौड मैदाननजिक भएको हो । घटनापछि घोडा दौड मैदान, पौडी पोखरी र खेलमैदान आसपासको क्षेत्रलाई प्रहरीले नियन्त्रणमा लिएर स्थानीय बासिन्दालाई उक्त क्षेत्रबाट टाढा रहन आग्रह गरेको छ ।
