- २०८३ भदौ १५ सोमबार
2026-06-26-05-49-27.jpeg)
काठमाडौँ । उद्योगमन्त्री गौरीकुमारी यादवले विपद् र चाडपर्वको मौका छोपेर मनलाग्दी मूल्य बढाउने, कालोबजारी गर्ने तथा उपभोक्ता ठगी गर्ने व्यवसायीमाथि कडा कारबाही गर्न निर्देशन दिएकी छन् ।
सोमबार मन्त्रालयमा वाणिज्य, आपूर्ति तथा उपभोक्ता संरक्षण विभागका कर्मचारीसँगको छलफलमा मन्त्री यादवले ठूला गोदाममा समेत पुगेर प्रभावकारी बजार अनुगमन गर्न निर्देशन दिएकी हुन् ।
मन्त्रालयले बजार अनुगमनका लागि पहिलोपटक १६ वटा टोली गठन गरेको छ । ती टोलीले दैनिक बजार अनुगमन गरी प्रतिवेदन बुझाउनेछन् । दोषी जोसुकै भए पनि कुनै दबाब वा पहुँचका आधारमा उन्मुक्ति नदिन मन्त्री यादवले निर्देशन दिएकी छन् । विभागले ती टोलीमार्फत बजार मूल्य, वस्तुको उपलब्धता, गुणस्तर तथा उपभोक्ता अधिकारको अवस्थाबारे निरन्तर निगरानी गर्ने जनाएको छ ।
