- २०८३ भदौ ३० मंगलबार
नवलपरासी (बर्दघाट सुस्तापूर्व) । नवलपरासी (बर्दघाट सुस्तापूर्व)को विनय त्रिवेणी गाउँपालिका–३ चिसापानीमा श्रीमानको खुर्पा प्रहारबाट श्रीमतीको मृत्यु भएको छ ।
विनय त्रिवेणी गाउँपालिका–३ चिसापानीका करिब ४३ वर्षीय शेरबहादुर विकले आफ्नै श्रीमती करिब ४० वर्षीया उनिमाया विकको घाँटीमा धारिलो हतियार खुर्पा प्रहार गरेको प्रहरीले जनाएको छ । खुर्पा प्रहारबाट उनिमायाको घटनास्थलमै मृत्यु भएको हो ।
घटनापछि प्रहरीले शेरबहादुर विकलाई नियन्त्रणमा लिएको छ । घटनास्थलमा प्रहरीको अनुसन्धान टोलीसहितको टोली खटिई आवश्यक अनुसन्धान प्रक्रिया अघि बढाइएको प्रहरीले जनाएको छ ।
