- २०८३ असोज ११ आइतबार
काठमाडौं । प्रहरी नियन्त्रणमा लिइएका पूर्वप्रधानन्यायाधीश चोलेन्द्रशम्शेर जबरालाई परिवारको जिम्मा लगाइएको छ । प्रहरी स्रोतका अनुसार जबरालाई परिवारको जिम्मा लगाइएको हो ।
यसअघि जबरालाई प्रहरी नियन्त्रणमा लिइएको विषय सार्बजनिक भएपछि उनलाई भेट्न पुगेको राष्ट्रिय मानवअधिकार आयोगको टोलीलाई प्रहरीले फिर्ता पठाइदिएको थियो ।
उनलाई काठमाडौं उपत्यका अपराध अनुसन्धान कार्यालय टेकुको टोलीले उनलाई गएराती काठमाडौंको महाराजगञ्जस्थित आफ्नै निवासबाट नियन्त्रणमा लिएको थियो ।
जबरालाई नियन्त्रणमा लिनुको कारण बारे भने स्पष्ट जानकारी गराइएको छैन । उनीविरुद्ध परेका उजुरीहरुको आधारमा प्रधानमन्त्रीको सचिवालयको निर्देशनमा पक्राउ गरिएको दाबी गरिएको छ ।
