- २०८३ असोज १८ आइतबार
तनहुँ । भानु नगरपालिका–१० तल्लो मैदानस्थित हटिया–चिसापानी भित्री सडकखण्डमा मोटरसाइकल दुर्घटना हुँदा दुई जनाको मृत्यु भएको छ ।
असोज १८ गते हटियाबाट चिसापानीतर्फ जाँदै गरेको ग १९ प ८०६५ नम्बरको मोटरसाइकल चालकले नियन्त्रण गुमाउँदा सडकबाट करिब १० मिटर तल खसेर दुर्घटना भएको प्रहरीले जनाएको छ ।
दुर्घटनामा घाइते भएका मोटरसाइकल चालक भानु नगरपालिका–१० तल्लो मैदानका ४५ वर्षीय शंकर पाण्डेको पुरानो मेडिकल कलेज, भरतपुरमा उपचारका क्रममा दिउँसो १२: ०१ बजे मृत्यु भएको हो ।
त्यस्तै, मोटरसाइकलमा पछाडि सवार सोही स्थानका ६५ वर्षीय टंकनीति पाण्डेको लमजुङ सामुदायिक अस्पतालमा उपचारका क्रममा बिहान ११: ३५ बजे मृत्यु भएको प्रहरीले जनाएको छ।
मोटरसाइकल घटनास्थलमै रहेको छ । घटनास्थल प्रहरी बिट कालीमाटी, तनहुँबाट करिब ३ किलोमिटर पश्चिममा पर्छ । दुर्घटनाबारे थप अनुसन्धान भइरहेको प्रहरीले जनाएको छ ।
