- २०८३ असोज २२ बिहीबार
काठमाडौं । अन्तर्राष्ट्रिय क्रिकेट परिषद (आइसीसी) को पछिल्लो पुरुष एकदिवसीय वरीयतामा नेपाल एक स्थान माथि उक्लिएको छ ।
आइसीसीको पछिल्लो वरियतामा नेपाल १६औँ स्थानमा पुगेको हो । नेपालको हालको मूल्याङ्कन ३३ खेलमा ९३९ अंक रहेको छ । यसअघि नेपाल १७औँ स्थानमा रहेको थियो । टी- २० क्रिकेटमा भने नेपाल १४औं स्थानमा रहेको छ ।
एकदिवसीय खेलमा वरीयताको शीर्ष स्थानमा भारत, दोस्रोमा न्युजिल्यान्ड र तेस्रोमा दक्षिण अफ्रिका रहेका छन् ।
