सिमरा विमानस्थलमा हवाइ सुरक्षा अभ्यास 

खरीबोट

बारा । सिमरा बिमानस्थलमा आकस्मिक रुपमा हुने सम्भावित दुर्घटना न्यूनीकरणका लागि अभ्यास गरिएको छ । नेपाल नागरिक उड्डयन प्राधिकरण हवाइ सुरक्षा विभागको आयोजनामा सोमबार सिमरा विमानस्थलमा यस्तो अभ्यास गरिएको हो । 

कुनै पनि आपत्कालीन अवस्थामा सबै निकायहरुले तत्परताका साथ आफ्नो काम गर्न सकून् र भवितव्यमा हुने घटनाहरुमा न्यूनतम जनधनको क्षति होस् भन्ने उद्देश्यका साथ यस कार्यक्रमको आयोजना गरेको नागरिक उड्डयन प्राधिकरणका निर्देशक शिशिर चित्रकारले बताए । 

दुर्घटना जानकरी दिएर नआउने र दुर्घटना हुन नदिन सधैँ तयारी अवस्थामा बस्नुपर्ने कुरालाई यस अभ्यासले सिकाएको बाराका प्रमुख जिल्ला अधिकारी गणेश भट्टराईले बताए ।

उनले विमानस्थलमा आकस्मिक रुपमा हुने दुर्घटना हुनै नदिने यदि भइहाले पनि त्यसबाट क्षति कम गर्ने अभ्यास गर्नुपर्छ र त्यही अभ्यासका लागि यो प्रशिक्षणको आयोजना गरिएको उनको भनाइ छ । भट्टराईले यस अभ्यासबाट विमानस्थलका साथै समग्र जिल्लाकै सुरक्षामा सहयोग पुग्ने विश्वास राखेको समेत जानकारी गराए । 

जिल्लामा आपत्कालको समयमा परिचालन गर्न बनाइएको सुरक्षा युनिटमा विमानस्थलको सुरक्षालाई पनि समावेश गर्ने गरी यस अभ्यासमा सिमरा विमानस्थलसँग सरोकार राख्ने बारा र पर्साका प्रहरी, सशस्त्र प्रहरी र नेपाली सेनाका प्रमुख, स्वास्थ्य प्रमुखहरुको सहभागिता रहेको थियो । 
 

सम्बन्धित समाचार

विमानस्थल सुदृढीकरण र पूर्वाधार विकासमा नागरिक उड्डयन प्राधिकरण

काठमाडौँ । मुलुकको हवाई यातायात सेवालाई सहज र प्रभावकारी बनाउन नियामक निकाय नेपाल नागरिक उड्डयन प्राधिकरण (क्यान) ले विमानस्थल सुदृढीकरणसँगै पूर्वाधार विकासलाई तीव्रता दिएको छ । भौगोलिक अवस्थितिअनुरुप क्यानले विमानस्थल निर्माण,

सञ्चार उपकरणमा समस्या आएपछि अन्तर्राष्ट्रिय विमानस्थल दुई घण्टा प्रभावित

काठमाडौँ । सञ्चार उपकरणमा समस्या आएपछि त्रिभुवन अन्तर्राष्ट्रिय विमानस्थलको उडान करीब दुई घण्टा प्रभावित भएको छ । विमानस्थलको सञ्चार प्रणाली भिडियो हाई फ्रिक्वेन्सी (भिएचएफ) मा समस्या आएपछि उडानमा समस्या अएको विमानस्थलका

त्रिभुवन विमानस्थलबाट आन्तरिकतर्फ पनि रात्रि उडान

काठमाडौँ । त्रिभुवन अन्तर्राष्ट्रिय विमानस्थलबाट आन्तरिकतर्फ पनि रात्रि उडान भइरहेको छ । विगतमा अन्तर्राष्ट्रिय मात्र रात्रि उडान गर्दै आएको विमानस्थलले अहिले आन्तरिक रात्रि उडान सञ्चालन गरिरहेको छ । विमानस्थलका महाप्रबन्धक राजकुमार

गौतमबुद्ध विमानस्थलको निर्माण ६० प्रतिशत, साउनदेखि अन्तर्राष्ट्रिय उडान भर्ने

काठमाडौँ । राष्ट्रिय गौरवको आयोजनाका रुपमा रहेको गौतमबुद्ध विमानस्थल निर्माण कार्य ६० प्रतिशत सम्पन्न भएको छ । बाँकी रहेको ४० प्रतिशत काम सम्पन्न गरी आगामी साउनको दोस्रो सातादेखि अन्तर्राष्ट्रिय उडान


z