- २०८१ बैशाख १४ शुक्रबार
अमेरिका । अमेरिकामा मानवाकृतिको एउटा यस्तो रोबोटको आविष्कार गरिएको छ, जसले उफ्रिनुपर्ने ठाउँमा उफ्रिएर दौडिन सक्छ । यसले अप्ठ्यारा ठाउँअनुसार आफ्ना खुट्टाहरु खुम्च्याएर कुद्न सक्छ ।
एटलास नामको रोबोटले यस्तो अद्भुत काम गर्न सकेको बताइएको छ । यसका खुट्टा, पाखुरा लगायतलाई चलायमान गराई कन्ट्रोल सफ्टवेयरले उक्त क्रिया गर्न सक्ने बताइएको छ । उक्त रोबोट १.५ मिटर अग्लो र ७५ किलो तौलको रहेको छ । यसले केही कुरा बोक्न र उचालेर राख्न आफ्नो पाखुरा समेत प्रयोग गर्छ ।
त्यस्तै यसले आफैँले आफूलाई सन्तुलनमा समेत राख्छ ।
एजेन्सीहरुबाट ।
