महिला फुटबलमा नेपाल भारतसँग भिड्ने

खरीबोट

काठमाडौँ। ओलम्पिक अन्तर्गत एशिया छनौट फुटबलमा नेपाल बुधबार भारतसँग भिड्ने भएको छ । एशिया छनौट खेल्न नेपाली हाल म्यानमामा रहेको छ । नेपाल रहेको समूह ‘सी’मा भारत, म्यानमा र बङ्गलादेश छन् । 

अखिल नेपाल फुटबल सङ्घ (एन्फा)का अनुसार नेपालले दोस्रो खेल कात्तिक २५ गते म्यानमासँग तथा कात्तिक २७ गते बङ्गलादेशसँग खेल्नेछ । दुई हप्ता चीनमा अभ्यास गरी नेपाली टोली शुक्रबार म्यान्मा पुगेको हो । 

चीनमा रहँदा नेपाली फुटबल टोलीले तीन मैत्रीपूर्ण खेल खेलेको थियो । नेपाल एक खेलमा विजयी र दुई खेलमा पराजित भएको थियो । नेपाली टोलीको प्रशिक्षकमा हरि खड्का र मृगेन्द्रप्रसाद मिश्र, टोली नेतामा दीर्घबहादुर केसी तथा व्यवस्थापकमा कमला हीराचन थकाली छन् ।

नेपाली टोलीको गोलकिपरमा एन्जिला तुम्बाप्पो सुब्बा, रुपा रानामगर, लीला लाम्गादे, डिफेन्डरमा गीता राना, रञ्जना दर्जी, हीराकुमारी भुजेल, मनमाया लिम्बू, अमृता जैसी, मेनुका गिरी, कविता धिमाल, पुनम मगर, मिडफिल्डरमा रेनुका नगरकोटी, दीपा राई, इन्दिरा राई, विमला चौधरी, दीपा अधिकारी, अनिता बस्नेत, दीपा न्यौपाने तथा स्ट्राइकरमा अनिता केसी, सावित्रा भण्डारी, निरु थापा र शर्मिला थापा छन् । 

सम्बन्धित समाचार

साफ महिला फुटबलको फाइनलमा नेपाल भारतसँग पराजित 

काठमाडौँ । साफ महिला फुटबल प्रतियोगिताको फाइनलमा नेपाल भारतसँग ३-१ गोल अन्तरले पराजित भएको छ ।  पहिलो हाफमा उत्कृष्ट खेल देखाएको नेपाल दोस्रो हाफमा सम्हालिन नसक्दा भारतसँग फेरी पराजित भएको छ

साफ महिला फुटबल : भारतको २-१ को अग्रता 

काठमाडौँ । साफ महिला फुटबल प्रतियोगिताको फाइनलमा नेपाल २-१ गोल अन्तरले पछाडी परेको छ ।  भारतका लागि ग्रेस डांगमेईले खेलको ६३औ मिनेटमा गोल गर्दै भारतलाई २-१ को अग्रता दिलाएकी छन् ।  यसअघि

साफ महिला फुटबल : नेपालले जवाफी गोल फर्कायो, सावित्राले गरिन गोल 

काठमाडौँ । साफ महिला फुटबल प्रतियोगिताको फाइनलमा नेपालले गोल फर्काउदै खेल १-१ को बराबरी गरेको छ । नेपालका लागि खेलको ३४औ मिनेटमा नेपालका लागि सावित्रा भण्डारीले जवाफी गोल फर्काएकी थिइन् ।

साफ महिला फुटबल : आज उपाधिका लागि नेपाल भारतसँग भिड्दै 

विराटनगर । पाँचौँ साफ महिला फुटबल प्रतियोगिताको फाइनल खेल नेपाल र भारतबीच आज हुदै छ । समूह ‘ए’ को विजेता नेपाल सेमिफाइनलमा श्रीलङ्का र समूह ‘बी’ को विजेता भारत बङ्गलादेशलाई पराजित


z