- २०८१ बैशाख १५ शनिबार
मुम्बई। आफ्नो डेभ्यु फिल्म केदारनाथ उत्तराखण्डमा प्रतिबन्ध भएपछि अभिनेत्री सारा अली खानले दुख व्यक्त गरेकी छन्। गत शुक्रबार रिलिज भएको फिल्म केदारनाथ हिन्दु युवती र मुस्लिम युवाको प्रेम कहानी रहेकोले फिल्मले हिन्दुको भावनामा ठेस पुर्याएको र लव जेहादलाई प्रोत्साहित गरेको आरोप लगाइएको छ।
साराले फिल्म प्रतिबन्ध भएपछि आफ्नो मनशाय यो कथा मानिसहरुसँग पठाउनु हो भन्दै उत्तराखण्डमा फिल्मको सुटिंग गरिएको छ र हामि ४० दिन उत्तराखण्डमा बसेको बताएकी छन् । उनले उत्तराखण्डमा फिल्म प्रतिबन्ध भएकोमा दुख व्यक्त गरेकी छन्। फिल्म विभाजनको विषयमा नरहेर मानिसहरुलाई जोड्ने भएको बताउदै साराले धर्म र जाति पहिचानको विषय हुनुपर्नेमा यसले विभाजन गर्न नहुने बताएकी छन्।
अभिषेक कपुरले निर्देशन गरेको केदारनाथले भारतीय बक्स अफिसमा राम्रो सुरुवात गरेको छ। पहिलो दिन ७ करोड २५ लाख र दोस्रो दिन ९ करोड ७५ लाख र आइतबार १०.७५ गरि तीन दिनमा २७ करोड ७५ लाखको व्यापार गरेको छ। करिब ३५ करोडको लगानीमा बनेको यस फिल्मले खराब समिक्षाका बीच पनि राम्रो कलेक्सन गरेको छ।
