नक्कली नागरिकता बनाएको अभियोगमा चार पक्राउ

खरीबोट

जनकपुरधाम। नक्कली नागरिकतालगायतका कीर्ते कार्यमा संलग्न रहेको अभियोगमा प्रहरीले चार जनालाई पक्राउ गरी आज सार्वजनिक गरिएको छ । जिल्ला प्रहरी कार्यालय र जिल्ला प्रशासन कार्यालयद्वारा आयोजित संयुक्त पत्रकार सम्मेलनमा उनीहरुलाई सार्वजनिक गरिएको हो । 

पक्राउ पर्नेमा जनकपुर उपमहानगरपालिका–२० देउरा रुपैठाका ३१ वर्षीय रोशनकुमार चौधरी, औरही गाउँपालिका–५ का वडासदस्य ४९ वर्षीया गङ्गा साह, रौतहट दुर्गा भगवती गाउँपालिका–४ घर भई हाल जनकपुर उपमहानगरपालिका–४ बस्ने हेमन्त पाण्डे र धनुषा जिल्ला प्रशासन कार्यालयमा कार्यालय सहयोगी पदमा कार्यरत ४२ वर्षीय महावीर मण्डल छन् । 

प्राप्त सूचनाका आधारमा देवपुरा रुपैठा बस्ने विद्यानन्द चौधरीका छोरा रोशनकुमार चौधरीको डेरा गरी बस्ने कोठामा खानतलासी गर्दा नक्कली नागरिकतालगायतका कीर्ते कागजात फेला परेको प्रहरीले जनाएको छ । चौधरीका कोठाबाट प्रहरीले विभिन्न व्यक्तिको नामको नागरिकता प्रमाणपत्र, सादा नाम नभरेको नेपाली नागरिकताको प्रमाणपत्र, जिल्ला प्रशासन कार्यालय धनुषाको छाप, प्रशासकीय अधिकृतको छाप, स्थानीय पञ्जीकाधिकारी छाप, टोली प्रमुख नगरपालिकाको छाप, वडाध्यक्षको छाप, विवाह दर्ता, जन्म दर्ता, मृत्यु दर्ता, बसाइँसराइको प्रमाणपत्रको ठेली, नागरिकता विवरणको ठेली र मोबाइल थान एकसमेत बरामद गरेको छ । 

पक्राउ परेकाबाट नागरिकता अनुसूची फारमको ठेली, नेपाली नागरिकता प्रमाणपत्रमा टाँस हुने होलोग्राम र नगद रु एक लाख ५३ हजार पनि बरामद भएको जनाइएको छ । 

प्रमुख जिल्ला अधिकारी प्रदीपराज कँडेलले बरामद भएको कीर्ते नागरिकताका प्रमाणपत्र २०७० सालको रहेको बताए । उनले जिल्ला प्रशासन कार्यालयको स्रेस्तासमेत बरामद भएकाले यसबारेमा थप अनुसन्धान भइरहेको जानकारी दिए । 

पक्राउ परेकालाई सरकारी दस्तखत छाप कीर्ते र नागरिकता मुद्दामा जिल्ला अदालतबाट म्याद थप गरी अनुसन्धान कार्य भइरहेको जनाएको छ । 

सम्बन्धित समाचार

‘नागरिकतासम्बन्धी विधेयक यथास्थितिमा पारित हुँदैन’

काठमाडौँ । नेपाल कम्युनिष्ट पार्टी (नेकपा) का प्रवक्ता नारायणकाजी श्रेष्ठले नागरिकतासम्बन्धी विधेयक यथास्थितिमा पारित गर्ने पक्षमा पार्टी नहुने बताएका छन् ।  पेसागत महासङ्घ नेपालको २५औँ स्थापना दिवसका अवसरमा सोमबार आयोजित ‘राष्ट्रियताको

नागरिकतासम्बन्धी विवाद पुनः संयुक्त इजलासमा

काठमाडौँ । सर्वोच्च अदालतले जन्मसिद्ध नागरकिता लिएका नागरिकका सन्तानलाई वंशजको नागरिकता दिने विषयमा पूर्ण सुनुवाइका लागि संयुक्त इजलासमा छलफलका गर्न आदेश जारी गरेको छ । न्यायाधीशहरु ईश्वर खतविडा, सुष्मालता माथेमा र

नागरिकता बनाउन घुस लिएका कम्प्यूटर अपरेटर पक्राउ 

काठमाडौँ । अख्तियार दुरुपयोग अनुसन्धान आयोगले ईलाका प्रशासन कार्यालय, रामगोपालपुर, महोत्तरीमा कार्यरत कम्प्यूटर अपरेटरलाई नागरिकता बनाउन लिएको घुस रकमसहित पक्राउ गरेको छ । अख्तियारले कम्प्यूटर अपरेटर अशोक कुमार सिंहले सेवाग्रहीसँग नागरिकत्ताको

वंशजको नागरिकता दिने गृहको परिपत्र रोक्न सर्वोच्चको अर्को आदेश

काठमाडौं । सर्वोच्च अदालतले जन्मसिद्ध नागरिकका सन्तानलाई वंशजको नागरिकता दिने गृह मन्त्रालयको परिपत्र रोक्न फेरि आदेश दिएको छ । गृहको परिपत्रविरुद्ध वरिष्ठ अधिवक्ता बालकृष्ण न्यौपानेले दायर गरेको रिटमा यसअघि पनि अन्तरिम


z