डेनमार्कका विश्व भ्रमण यात्री थोर नेपालमा

खरीबोट

काठमाडौँ । डेनमार्कका सी पेडरर्सन थोर विश्वयात्राका क्रममा मंगलबार नेपाल आइपुगेका छन् । उनको नेपाल १ सय ७९ औ भ्रमण मुलुक हो । कुनैपनि उडान नगरी स्थल र जलमार्गको प्रयोगबाट विश्व भ्रमण सकी नयाँ इतिहास बनाउने क्रममा उनी नेपाल आएका हुन् । 

डेनिस रेडक्रसको सद्भावना दुतको रुपमा नेपाल रेडक्रसको केन्द्रीय कार्यालयमा कुराकानी गर्दै उनले भने, ‘विश्वमा मानिस र मानवताको खास अर्थ फैलाउने मेरो उद्देश्य छ । विश्वको जुनसुकै कुनामा सुरक्षा, शिक्षा, आवास, भोजनलगायतको समस्या छ र आम रुपले मानिसहरुमा समानता मैले देखेको छु ।’

नेपाल भ्रमणको क्रममा उनले विश्व सम्पदा सूचीमा रहेका दरबार क्षेत्रहरुको अवलोकन गर्नुका साथै नेपाल रेडक्रसले सञ्चालन गरेको हटलाईन –११३० कल सेन्टर तथा विपद् व्यवस्थापन आपत्कालीन केन्द्रको पनि निरिक्षण गरे । 

साथै, नेपालमा डेनिस रेडक्रसले सञ्चालन गरेका कार्यक्रमको अवलोकन गरेको नेपाल रेडक्रसका सञ्चार निर्देशक दिव्यराज पौडेलले जानकारी गराए । 

मंगलबार नै उनले राष्ट्रिय रक्त सञ्चार सेवा केन्द्र बालकुमारीमा गई रक्तदान समेत गरे । “मानिसहरुको नशामा उस्तै प्रकारको रगत बगिरहेको छ र खुशी तथा सन्तुष्टि पाउने एउटा राम्रो तरीका रक्तदान  हो ।” थोरले बताए ।

थोरले २ लाख ४३ हजार किलोमिटर पार गरिसकेका छन् । सन् २०१३ बाट सुरुभएको यो अनवरत यात्राको क्रममा संसारका २०० वढी मुलुकको भ्रमण नसकी घर नफर्किने उनको योजना रहेको छ । सन् २०२० मा उनको भ्रमण सकिने अनुमान छ ।
 

सम्बन्धित समाचार

रेडक्रसको ७ वटै प्रदेशमा निर्वाचन सम्पन्न : केन्द्रीय सभाको मिति तोकियो

काठमाडौँ । नेपाल रेडक्रस सोसाइटीको प्रदेश नं ३ को समितिको निर्वाचन हिजो शनिवार सम्पन्न भएको छ । प्रदेश समितिको नेतृत्वको लागि पहिलो पटक भएको निर्वाचनमा भोलानाथ रुपाखेती अध्यक्षमा निर्वाचित भएका

रेडक्रसको प्रदेश संरचनामा नेतृत्व चयन : ४ प्रदेशमा निर्विरोध निर्वाचन

काठमाडौँ । नेपाल रेडक्रस सोसाइटीको ४ वटा प्रदेश समितिहरुको निर्वाचन सम्पन्न भएका छन् । २ नंवर, गण्डकी, ५ नंवर र ६ नंवर प्रदेशका पहिलो पटक निर्वाचनबाट प्रदेश समितिहरु यसै हप्ता

हावाहुरी प्रभावित पाँच सयभन्दा बढी परिवारलाई रेडक्रसद्वारा राहत सामग्री प्रदान

काठमाडौँ । बारा र पर्सा जिल्लाहरुमा हावाहुरीले पारेको विपद्बाट घर पूर्णक्षति भएका ५ सय ३५ परिवारलाई नेपाल रेडक्रसले तत्कालको सहयोगस्वरुप गैरखाद्य सहयोग सामग्री सेट शुक्रबार साँझसम्म उपलव्ध गराएको छ ।

रेडक्रसको प्रारम्भिक सर्वेक्षण : हावाहुरीबाट दुई हजारभन्दा बढी परिवार प्रभावित

काठमाडौँ । बारा र पर्सा जिल्लाहरुमा हावाहुरीले २ हजार ११ घरमा क्षति पुगेको प्रारम्भिक सर्वेक्षणले देखाएको छ ।  पहिलो पल्ट मोबाइल एप्लिकेशनको प्रयोग गरी यो संकलन गरिएको तथ्याँक अनुसार बारामा १


z