- २०८१ बैशाख २६ बुधबार
काठमाडौँ । पूर्वप्रधानन्यायाधीश सुशीला कार्कीले २२औ दिनसम्म अनसन बसिरहेका डा. गोविन्द केसीको स्वास्थ्य अवस्थाका बारे जानकारी लिएकी छिन् ।
आज अपराह्न महाराजगन्जस्थित शिक्षण अस्पताल पुगेकी कार्कीले डा. केसीलाई भेटेर उनको अवस्था बारे जानकारी लिएकी छन् ।
कार्कीले डा.केसीको आन्दोलनका कारण चिकित्सा शिक्षामा धेरै सुधार आएकाले उनको मागलाई कुनै पार्टीको मागको रुपमा बिल्ला लगाउन नहुने बताएकी थिइन् ।
उनले भनिन्,'डा. केसी एक सन्यासी रहेकाले उनको माग पुरा गर्दा कसैको हार हुँदैन सबैको जित नै हुन्छ,' उनले भनिन्, 'प्रधानमन्त्रीले पनि यो कुरा राम्रोसँग बुझ्नुभएको छ जस्तो मलाई लाग्छ।'
डा. केसीको अनसनमा एक्यबद्धता जनाउन मंगलबार पूर्वप्रधानन्यायाधीश कल्याण श्रेष्ठ पनि शिक्षण अस्पताल पुगेका थिए ।
