‘दाल भात तरकारी’ को अफिसियल ट्रेलर सार्वजनिक

खरीबोट

काठमाडौँ । आगामी बैशाख २० मा रिलिज हुने मल्टिस्टारर फिल्म ‘दाल भात तरकारी’ को अफिसियल ट्रेलर रिलिज भएको छ ।

'भिजिट भिषामा' र 'दाल भात तरकारी' बोलको गीतका कारण चर्चामा रहेको फिल्मको ट्रेलर कमेडीले भरिएको छ । ट्रेलरमा विदेश जान मरिहत्ते गर्ने आम नेपालीको आम धारणालाई फिल्ममा विषय बनाइएको सजिलै बुझ्न सकिन्छ । 

फिल्ममा हरिबंश आचार्य, मदन कृष्ण श्रेष्ठ, पुष्प खड्का, आँचल शर्मा, वर्षा राउत, राजाराम पौडेल, शिवहरी पौडेल, किरण केसी, बसुन्धारा भुषाल, रविन तामाङ, शिशिर वाङ्देल, विल्सन विक्रम राईलगायतको प्रमुख भूमिका रहेओ छ । 

ट्रेलरमा अभिनेत्री प्रियंका कार्की भने एक सिनमा ठुम्का लगाउँदै देखिएकी छन् । फिल्मका सबै कलाकारलाई स्थान दिन खोज्दा ट्रेलर केही गन्जागोल जस्तो देखिन्छ । 

मह संचारको ब्यानरमा निर्माण भएको फिल्मका प्रस्तुतकर्ता किरण केसी हुन् । फिल्मको कथा हरिवंश आचार्यले लेखेका हुन् । पटकथा तथा संवाद पनि उनकै हो । यो फिल्मलाई सुदन केसीले निर्देशन गरेका हुन् । 

फिल्ममा यमन श्रेष्ठ, नरेन्द्र कंशाकार, जयनन्द लामा, मोहितबंश आचार्यलगायतका कलाकारहरुको पनि फिल्ममा अभिनय रहेको छ ।

मित्र डि. गुरुङको सम्पादन रहेको फिल्मलाई दिर्घ गुरुङले खिचेका हुन् । यसमा प्रमिला आचार्य, यमन श्रेष्ठ, शिवहरी पौडेललगायत निर्मातामा छन् । प्रविन सिंह र कविराज गहतराजको फिल्मका गीतमा कोरियोग्राफी छ । 

सम्बन्धित समाचार

आयुष्मान र शिल्पाको फिल्म 'सानो मन' को ट्रेलर सार्वजनिक  

काठमाडौँ ।  फिल्म ‘सानो मन’ को  ट्रेलर सार्वजनिक भएको छ । यसअघि सार्वजनिक भएको फिल्ममा समावेश ‘रानु कम्मर’ बोलको गीतले चर्चा बटुल्दै गर्दा निर्माण टिमले आइतबार प्रेम र रोमान्सले भरिएको

रामप्रसाद खनालको पञ्चेबाजाको गीत 'दुलाहा दुलही' सार्वजनिक 

काठमाडौँ । अमेरिकाबाट नेपाल आएका, नेपालमा लोक दोहोरी गीतको बिकास र प्रबर्धनका अभियन्ता, अग्रज लोक तथा दोहोरी गायक एबम अन्तर्राष्ट्रिय कलाकार मञ्च अमेरिकाका अध्यक्ष रामप्रसाद खनालले पञ्चेबाजाको बिशेष लोक दोहोरी

‘प्रेमगीत ३’ का मुख्य अभिनेता सार्वजनिक

काठमाडौँ । २०७६ कै बहुप्रतिक्षित चलचित्र ‘प्रेमगीत ३’ को लागि मुख्य अभिनेत्रीका लागि अडिसन चलिरहेका बेला तेश्रो गीत को बन्ने भनेर धेरैमा उत्सुकता छ । यसै सन्दर्भमा निर्माण टिमले चलचित्रको मुख्य

गायक संजीव र टीकाको 'जानी जानी एउटा गल्ती' सार्वजनिक

गायक संजीव पराजुली र टिका प्रसाईको आवाजमा 'जानी जानी एउटा गल्ती' बोलको गीत सार्वजनिक भएको छ । गीतमा बरिष्ठ गीतकार दिनेश अधिकारीको शब्दमा संगीतकार रंजीत गजमेरको संगीत एंव संगीत-संयोजन रहेको छ


z