मेनपावर कम्पनीको विवरण अद्यावधिक गर्न अन्तिम पटक समय थप

खरीबोट

काठमाडौँ । वैदेशिक रोजगार विभागले इजाजत प्राप्त मेनपावर कम्पनीको सम्पूर्ण विवरण अद्यावधिक गर्न अन्तिम पटक समय थप गरेको छ । 

विभागले इजाजत प्राप्त मेनपावर कम्पनीलाई यही वैशाख २३ देखि २९ गतेसम्म आफ्नो कम्पनीको विवरण वैदेशिक रोजगार सूचना व्यवस्थापन प्रणालीमा अद्यावधिक गर्न निर्देशन दिएको थियो । 

तोकिएको समयावधिभित्र विवरण अद्यावधिक गर्न नसकेका मेनवापर कम्पनीको आग्रहमा विभागले पुनःम्याद थप गरेको हो । विभागका प्रवक्ता भोलानाथ गुरागाईंले विवरण अद्यावधिक गर्न छुटेका मेनपावर कम्पनीले आगामी जेठ ३ गतेसम्म विवरण भर्न सक्ने जानकारी दिए । 

थप गरिएको समयवधिभित्र विवरण अद्यावधिक नगरेमा त्यस्ता मेनपावर कम्पनीको अनलाइनमार्फत सञ्चालन हुने सम्पूर्ण कारोवार बन्द गरिने विभागले चेतावनी दिएको छ । 

कारोवार बन्द भएपछि ती कम्पनीले वैदेशिक रोजगारसँग सम्बन्धित कार्य गर्न पाउने छैनन् । मेनपावरले आफ्नो कम्पनीका कर्मचारीको विवरण र शाखा सञ्जाललगायत विवरण सूचना अद्यावधिक गर्नुपर्ने छ ।

विभागमा एक हजार ५२७ मेनपावर दर्ता भएकामा अहिले एक हजार २४० मात्र सञ्चालनमा छन् । विभागले नियम विपरीत काम गर्ने २०७ मेनपावरको दर्ता खारेजी गरेको छ ।

८० भन्दा बढी मेनपावर कम्पनीले वैदेशिक रोजगार सूचना व्यवस्थापन प्रणालीमा आफ्नो विवरण अद्यावधिक नगरेको विभागले जनाएको छ ।

सम्बन्धित समाचार

वैदेशिक रोजगारसम्बन्धी एक महिनामा ४ करोडभन्दा बढी ठगी

काठमाडौं । सरकारले वैदेशिक रोजगारलाई व्यवस्थित गर्न नसक्दा कामदारहरु ठगिने क्रमले निरन्तरता पाएको देखिएको छ । पछिल्लो महिना वैदेशिक रोजगार विभागमा विदेश जाने नाममा ४ करोड ८३ लाख ५४ हजार ६ सय

वैदेशिक रोजगार पीडितहरु भन्छन् : काम गर्न विदेश जानेलाई कानुनी ज्ञान देऊ

काठमाडौं । वैदेशिक रोजगारसँग प्रत्यक्ष सम्वन्धित व्यक्तिहरुले सरकारले वैदेशिक रोजगामा जानेका लागि कानूनी चेतना दिन नसक्दा समस्यामा पर्ने गरेको बताएका छन् । वैदेशिक रोजगारीमा जाने र पीडितहरुसँग कानुनी ज्ञान नहुदाँ विविध

‘पूरानै स्वास्थ्य संस्थाबाट कामदारको स्वास्थ्य परीक्षण हुन सक्दैन’

काठमाडौँ । सरकारले वैदेशिक रोजगारीका लागि मलेसिया जाने कामदारको स्वास्थ्य परीक्षण पूरानै स्वास्थ्य संस्थाबाट हुन नसक्ने पुनः स्पष्ट पारेको छ ।  नेपाल र मलेसियाबीच श्रम समझदारी हुनु अगावै छनोट भएका स्वास्थ्य

वैदेशिक रोजगार पीडितको उजुरी लेख्न विभागको सहयोग

काठमाडौं । वैदेशिक रोजगार विभागले वैदेशिक रोजगार पीडितहरुको उजुरी लेख्ने विषयमा सहयोग गर्ने भएको छ अर्थात् पीडितहरुले निःशुल्क उजुरी लेख्न सक्नेछन् । उजुरी लेख्नमा विभागले सहयोग गरेसँगै पीडितहरुले उजुरी लेख्नका लागि


z