एचआइभी सङ्क्रमित श्रेष्ठद्वारा सगरमाथा आरोहण

खरीबोट

काठमाडौँ । एचआइभी सङ्क्रमित पोखरा, रत्नचोकका ५६ वर्षीय गोपाल श्रेष्ठले बुधबार बिहान सगरमाथाको सफल आरोहण गरेका छन् । उनी सगरमाथाको आरोहण गर्ने पहिलो एचआइभी सङ्क्रमित नेपालीसमेत हुनुभएको जिकिर गरिएको छ ।

उनले बिहान ८:१५ मा सगरमाथामा पाइला टेकेको सगरमाथा आधार शिविरबाट सम्पर्क अधिकृत ज्ञानेन्द्र श्रेष्ठले जानकारी दिए ।  पूर्वराष्ट्रिय फुटबल खेलाडी  उनले ‘स्टेप–अप

क्याम्पेन:सेकेण्ड फेज एभरेष्ट एक्स्पिीडिशन’(अभियान अघि बढाऔँ: दोस्रो  चरणको सगरमाथा आरोहण) अन्तर्गत सगरमाथाको आरोहण गरेका हुन् । विसं २०७२ मा नै सगरमाथा चढ्ने योजना भए पनि त्यतिबेला गोरखा भूकम्पका कारण चढ्न नसकेको उनले जानकारी दिए ।

श्रेष्ठले यो अभियानमार्फत समाज र देशमा एचआइभीसम्बन्धमा सचेतना फैलाउने लक्ष्य लिइएको बताए । उनका अनुसार यस अभियानमार्फत एचआइभी सङ्क्रमित बालबालिकाको गुणस्तरीय शिक्षाका लागि सहयोग गरिने छ । विश्व कीर्तिमानी राख्नसमेत सफल भएका ड्रिमर्स डेष्टिनेशन ट्रेक्स एण्ड एक्स्पिीडिशनका फुर्वा तेञ्जिङ शेर्पाको नेतृत्व र  आठ पटक आरोहण गरिसक्नुभएका आरोही दाकिपा शेर्पाको पथप्रदर्शनमा श्रेष्ठले आठ ८४८ मिटर अग्लो सगरमाथा आरोहण गरेका हुन् । 

उनले सन् २०१३ मा  पाँच हजार ४१७ मिटर अग्लो थोराङ ला पास र सन् २०१४ मा छ हजार १८९ मिटर अग्लो आइल्याण्ड पिकको सफल आरोहण गरिसकेका थिए । उनले सन् २०१६ मा भर्जिन पिक÷खाङ कार्पीको समेत आरोहण गरिसकेका छन् । सगरमाथाको सफल आरोहण गरेर श्रेष्ठले एचआइभी सङ्क्रमितले पनि जोखिम र चुनौतीपूर्ण काम गर्न सक्छन् भन्ने प्रमाणित गरेका छन् । उनी देशको मात्रै नभएर विश्वका समेत सङ्क्रमितका लागि आशाको केन्द्र बनेका छन् । एचआइभी सङ्क्रमितलाई गरिने विभेदका विरुद्धमा सन्देश दिने उद्देश्यले यो काम गरेको आरोही श्रेष्ठले बताए ।

उनमा २५ वर्ष पहिले एचआइभी सङ्क्रमण देखिएको थियो । सङ्क्रमित सुईको प्रयोग गर्दा उनमा एचआइभी सरेको थियो । सन् २०१७ को विश्व स्वास्थ्य संगठनको तथ्याङ्कानुसार अहिले विश्वभरमा एचआइभी सङ्क्रमितको सङ्ख्या तीन करोड ६४ लाख छ । नेपालभर ३१ हजार २०  एचआइभी सङ्क्रमित रहेको नेशनल सेण्टर फर एड्स एण्ड एसटिडी कन्ट्रोलले  जनाएको छ । नेपालमा एचआइभीलाई महामारीका रुपमा लिइन्छ ।

सम्बन्धित समाचार

सगरमाथा आरोहण असफल, अन्य हिमालमा भने आरोही गन्तव्यतर्फ

काठमाडौँ । यस वर्षको शरद ऋतुमा हिमाल आरोहणका लागि १ सय ४३ समूहका १ हजार ७४ आरोहीले आरोहण अनुमति लिएका छन् । गत वर्षको यही याममा १७३ समूहका एक हजार

नौ वर्षपछि पुनः शरद ऋतुमा सगरमाथा आरोहण हुँदै

सोलुखुम्बु । यो वर्षको शरद ऋतुमा सगरमाथा आरोहणका लागि दुई समूहका १० जनाले अनुमति लिएका छन् । सगरमाथा आरोहणका लागि यो मौसममा अनुमति लिएको विगत तीन वर्षपछिकै पहिलो हो । अघिल्ला

राष्ट्रसङ्घका महासचिव गुटरेसलाई सगरमाथा संवादमा भागलिन निमन्त्रणा

न्यूयोर्क । सयुक्त राष्ट्रसङ्घका महासचिव एन्टोनियो गुटरेसले विश्वशान्ति स्थापनामा नेपालले गरेको अतुलनीय योगदानको मुक्तकण्ठले प्रशंसा गर्दै नेपालको सामाजिक, आर्थिक विकासमा साझेदारी गर्न राष्ट्रसङ्घ प्रतिबद्ध रहेको बताएका छन् । राष्ट्रसङ्घको ७४औँ महासभा

बाह्रखरी मिडियाले सगरमाथा क्षेत्रमा गल्फ प्रतियोगिता आयोजना गर्दै

काठमाडौँ । बाह्रखरी मिडिया हाउसले सगरमाथा क्षेत्रमा गल्फ प्रतियोगिता आयोजना गर्ने घोषणा गरेको छ । प्रतियोगिता नेपाल पर्यटन बोर्ड तथा भ्रमण बर्ष नेपाल २०२० को सहकार्यमा गर्न लागिएको हो ।  दुई चरणमा हुने


z