एचआइभी सङ्क्रमित आमाले सुरक्षित बच्चा जन्माउने क्रम बढ्दो

खरीबोट

चितवन । जिल्लामा एचआइभी सङ्क्रमित आमाहरुले सुरक्षित बच्चा जन्माउने क्रम बढ्दो रहेको छ । भरतपुर अस्पतालमा विगत १० वर्षमा ९० जना सङ्क्रमित आमाले बच्चा जन्माएका छन् । तीमध्ये पाँच जना बच्चामा सङ्क्रमण देखिए पनि ८६ जनामा भने सङ्क्रमण भेटिएको छैन । एक जना आमाले जुम्ल्याहा बच्चा जन्माएकी हुन् ।  

भरतपुर अस्पतालमा रहेको एन्टीरेट्रो भाइरल थेरापी एआरटी केन्द्रका अनुसार हरेक वर्ष १२ देखि १५ जनाले सुरक्षित बच्चा जन्माउने गरेका छन् । यस्तै सन् २०१९ को ६ महीनामा चार जना आमाले बच्चा जन्माइसकेका छन्  । यसै वर्ष चार जना आमा बच्चा जन्माउने तयारीमा रहेका छन् । सङ्क्रमित भएको थाहा भएदेखि नै औषधि सेवन गर्दा औषधिका कारण बच्चामा र श्रीमान् वा श्रीमतीमा समेत समस्या नहुने केन्द्रका कार्यक्रम संयोजक कृष्णहरि सापकोटाले जानकारी दिए ।  

सन् २००७ मा केन्द्र स्थापना भएको हो । सङ्क्रमित आमाले नियमित औषधि खाएमा उनीहरुबाट जन्मिएको बच्चामा समस्या नदेखिने गरेको उनले जानकारी दिए । बच्चा बसिसकेपछि एचआइभी सङ्क्रमण देखिएका पाँच जना आमाले जन्माएको बच्चामा मात्रै सङ्क्रमण भेटिएको उनको भनाइ छ ।  

केन्द्रको सम्पर्कमा रहेका १७५ जोडीले औषधि सेवन गर्दै बच्चा जन्माउने तयारीमा रहेका छन् । उनीहरु दुवै जना सङ्क्रमित हुन् । औषधिका कारण आफूहरुले सुरक्षित बच्चा जन्माउन सकेको सङ्क्रमितमध्येका एकले बताए । औषधिको सेवनले सङ्क्रमितको जीवन लामो हुने र बच्चा जन्माउन चाहेदेखि बच्चासमेत सङ्क्रमित नहुने उनको भनाइ थियो । 

केन्द्रको परामर्शअनुसार बच्चा जन्माउने सङ्क्रमितहरुको सङ्ख्या पनि बढ्दो रहेको छ । सन् २०१८ मा मात्रै १२ जना आमाले बच्चा जन्माएका थिए । तीमध्ये सङ्क्रमण ढिलो भेटिएकी एक आमाबाट जन्मिएका छोरालाई मात्र सङ्क्रमण भेटिएको थियो । सङ्क्रमण देखिने बित्तिकै औषधिको सेवन गर्न पाइन्छ । केही वर्षअघि सम्म औषधि प्रयोग गर्न कुर्नुपर्ने हुन्थ्यो । 

अस्पतालमा रहेको केन्द्रबाट ८९५ जनाले औषधि सेवन गर्दै आएका छन् । केन्द्रको सम्पर्कमा एक हजार ७२९ जना रहेका छन् । तीमध्ये कतिपयले आफ्नो पायक पर्ने स्थानबाट औषधि लिँदै आएका छन् । अस्पतालको सम्पर्कमा आएका आमाहरुमा चितवन, नवलपुर, मकवानपुर, धादिङ गोर्खालगायत जिल्लाका रहेका छन् । बढी सङ्ख्यामा चितवनको रहेका छन् । विसं २०७३ मा एक सङ्क्रमितले जुम्ल्याहा बच्चा जन्माएका थिए । उनीहरुमा पनि सङ्क्रमण देखिएको थिएन । 

केन्द्रबाट औषधि सेवन गर्नेहरुमा ४०८ पुरुष, ४२६ महिला र ६१ जना बच्चा रहेका छन् । तीमध्ये १२ समलिङ्गी र दुई जना तेस्रोलिङ्गी रहेका छन् । पुरुषहरुको मदिरा  सेवन, ध्रुमपान लगायतका कारण सङ्क्रमणपछि चाँडो मृत्यु हुने गरेको छ ।  

सम्बन्धित समाचार

एचआइभी सङ्क्रमित आमाले सुरक्षित बच्चा जन्माउने क्रम बढ्दो

चितवन । जिल्लामा एचआइभी सङ्क्रमित आमाहरुले सुरक्षित बच्चा जन्माउने क्रम बढ्दो रहेको छ । भरतपुर अस्पतालमा विगत १० वर्षमा ९० जना सङ्क्रमित आमाले बच्चा जन्माएका छन् । तीमध्ये पाँच जना

एचआइभी सङ्क्रमित श्रेष्ठद्वारा सगरमाथा आरोहण

काठमाडौँ । एचआइभी सङ्क्रमित पोखरा, रत्नचोकका ५६ वर्षीय गोपाल श्रेष्ठले बुधबार बिहान सगरमाथाको सफल आरोहण गरेका छन् । उनी सगरमाथाको आरोहण गर्ने पहिलो एचआइभी सङ्क्रमित नेपालीसमेत हुनुभएको जिकिर गरिएको छ

एचआइभीले दिएको पीडा

डोटी /  दीपायल सिलगढी नगरपालिकाका १८ वर्षीय रामबहादुर (नाम परिर्वतन) काम खोज्न साथीभाइसँगै छिमेकी मुलुक भारतको मुम्बै शहर पुगे। यो २०५१ सालतिरको कुरो हो । विपन्न परिवारका उनी केही वर्ष काम

पोषणयुक्त आहारको अभावमा कैलालीका एचआइभी सङ्क्रमित

कैलाली । कैलालीका एचआइभी सङ्क्रमितले पोसिला खानेकुरा खान पाएका छैनन् । उनीहरुलाई खाली पेट औषधि (एआरटी) खानुपर्ने बाध्यता छ । सङ्क्रमितमा पनि यहाँका एकल महिला र बालबालिकाको अवस्था दयनीय छ


z