- २०८१ बैशाख १४ शुक्रबार
काठमाडौँ । एभीसी मेन्स सिनियर सेन्ट्रल जोन भलिबलमा नेपालले अफगानिस्तानलाई पराजित गर्दै पाँचौं स्थान हासिल गरेको छ ।
आज भएको खेलमा नेपालले अफगानिस्तानलाई ३-१ को सेटले पराजित गरेको हो । नेपालले पहिलो सेट २५-२३ ले जितेको थियो भने दोस्रो सेट अफगानिस्तानले २५-२३ ले जितेको थियो । त्यस्तै नेपालले तेस्रो सेट २५-१८ र चौथो सेट २६-२४ ले जितेको थियो ।
नेपाल माल्दिभ्ससँग २५-२२, २५-२१ र २५-१४ को सेटमा पराजित भएको थियो भने पहिलो खेलमा किर्गिस्तानसँग २५-२३, २५-२२ र २५-२२ को सोझो सेटमा पराजित भएको थियो ।
प्रतियोगितामा नेपाल समूह ‘ए’को दुवै खेलमा नेपाल पराजित भएर तेस्रो बनेको थियो भने समूह ‘बी’मा बंगलादेशलाई पराजित गरी अफगानिस्तान तेस्रो भएको थियो ।
त्यस्तै तेस्रो स्थानका लागि तुर्कमेनिस्तान र माल्दिभ्सबीच अहिले खेल हुँदैछ भने उपाधि भिडन्त भने शनिबार किर्गिस्तान र उज्वेकिस्तानबीच हुँदैछ ।
