- २०८१ बैशाख १४ शुक्रबार
काठमाडौँ । सिंगापुरमा जारी त्रिकोणीय टी-२० सिरिजको उपाधि जिम्बाबेले जितेको छ । आज भएको अन्तिम खेलमा जिम्बाबेले सिंगापुरलाई ८ विकेटले पराजित गर्दै सिरिज जितेको हो ।
सिंगापुरले दिएको १६८ रनको लक्ष्य पछाएको जिम्बाबेले १८.४ ओभरमा २ विकेट गुमाएर लक्ष्य पुरा गरेको हो ।
जिम्बाबेका लागि पिटर मूरले अविजित ९२ रन बनाएका थिए । मूरले ६० बलमा ९ चौका र ६ छक्का प्रहार गर्दै ९२ रन बनाएका थिए । त्यस्तै टोनी मुनयोनगाले ४४ रन बनाएका थिए ।
यस अघि टस हारेर पहिला ब्याटिंग गरेको सिंगापुरले २० ओभरमा ७ विकेट गुमाएर १६७ रन बनाएको थियो । सिंगापुरका लागि सुरेन्द्रन चन्द्रमोहनले सर्वाधिक ६६ रन बनाए भने टिम डेविडले ४७ रन बनाए । त्यस्तै जनक प्रकाशले २२ रन बनाएका थिए ।
राउण्ड रोबिनमा खेलाइएको सिरिजमा जिम्बाबेले ४ खेलमा ३ जित हासिल गर्दै ६ अंक बटुलेर उपाधि जितेको हो ।
जिम्बाबेले एक खेल सिंगापुरसँग हार्यो भने नेपालले एक खेल सिंगापुरलाई पराजित गरेको थियो ।
सिरिजमा नेपाल ४ खेलमा एक जित २ हार र एक खेल बर्षाले रद्ध भएपछि ३ अंक बटुलेर दोस्रो स्थानमा रह्यो भने आयोजक सिंगापुर पनि ३ अंक बटुलेर तेस्रो स्थानमा रह्यो ।
