नाइकको तस्विर लिक : के रोनाल्डोले जित्दैछन् बेलोन डोअर ?

खरीबोट
ad

काठमाडौँ । आज साँझ फुटबलको प्रतिष्ठित अवार्ड बेलुन डो अर अवार्ड २०१७ वितरण गरिदै छ । अवार्ड वितरण नहुदै अनेक किसिमका अनुमान र रिपोर्टहरु आइरहेका छन् ।

क्रिस्टियानो रोनाल्डो र मेसीलाई जोडेर अनेकन रिपोर्ट आइरहेका बेला रोनाल्डोको स्पोन्सर रहेको नाइकको एक तस्बिर लिक भएको छ । सार्वजनिक भएको रोनाल्डोको नयाँ बुटमा रोनाल्डोले यस बर्षको बेलुन डो अरको उपाधि जित्ने संकेत गरिएको छ । जुत्तामा रोनाल्डोको ब्रान्ड नाम सिआर ७ सँगै ८, १३,१४,१६ र १७ उल्लेख गरिएको छ । नाइकको लिक भएको सो तस्बिरले यस बर्षको बेलुन डो अरको उपाधि रोनाल्डोले नै जित्ने दाबि गरिएको छ ।

अहिले अर्जेन्टिनाका लियोनेल मेसीले यो उपाधि ५ पटक जितेका छन् भने रोनाल्डोले ४ पटक जितेका छन् । रोनाल्डोले ५औ पटक यो उपाधि जितेर मेसीको बराबरी गर्ने दाउमा रहेका बेला नाईकको यो तस्बिर लिक भएपछि रोनाल्डोले जित्ने निश्चित भएको बताइएको छ ।

तर युरोपेली मिडियाहरुमा यस पटक यो अवार्ड नेइमारले पनि जित्न सक्ने उल्लेख गरेका छन् । 

यस सिजनमा रोनाल्डोको प्रदर्शन अपेक्षा गरे अनुरुप नभएकाले र तुलनात्मक रुपमा मेसीको प्रदर्शन यस सिजनमा राम्रो भएकाले मेसीले यो अवार्ड जित्ने दाबि गर्नेको संख्या पनि धेरै नै छ ।

यसबर्ष रोनाल्डो, मेसी, नेइमार, एन्टोनी ग्रीजम्यान, इडेन हजार्ड, हेरी केन, केभिन डे ब्रुने, रोबोर्ट लिवानडोस्कीसहित ३० खेलाडी मनोनयनमा परेका छन् ।

संसार भरका १७५ भन्दा बढी खेल पत्रकारको मतदानबाट दिइने यो अवार्ड यस अघि फिफासँगको सहकार्यमा दिने गरिएको भएपनि गतबर्षदेखि फिफाले उत्कृष्ट बर्ष खेलाडीको छुट्टै अवार्ड दिन थालेको छ भने बेलुन डो अर उपाधि अलग्गै दिन थालिएको छ । 

फ्रान्सको फुटबल म्यागजिन फ्रेन्च फुटबलले सन् १९५६ देखि यो अवार्ड दिन थालिएको हो । 

सम्बन्धित समाचार

रोनाल्डोबिना पोर्चुगलको लगातार जित 

काठमाडौँ। पोर्चुगलले मैत्रीपूर्ण खेलमा स्कटल्याण्डलाई पराजित गरेको छ।  गएराती भएको खेलमा पोर्चुगलले स्कटल्याण्डलाई ३-१ गोल अन्तरले पराजित गरेको छ।  आफ्ना क्रिस्टियानो रोनाल्डोको अनुपस्थितिमा खेलिरहेको पोर्चुगलले लगातार जित हासिल गरिरहेको छ। पोर्चुगलका

रोनाल्डो बिना पोल्याण्डमाथि पोर्चुगलको सहज जित  

काठमाडौँ।  युइएफए नेशनल लिग अन्तर्गत पोर्चुगल पोल्याण्डलाई पराजित गरेको छ। गएराती भएको खेलमा आफ्ना स्टार खेलाडी क्रिस्टियानो रोनाल्डो बिना खेलेको पोर्चुगलले पोल्याण्डलाई ३-२ गोल अन्तरले पराजित गरेको छ।  राष्ट्रिय टिमका लागि

रोनाल्डोका वकिल भन्छन्- बलात्कारको आरोपमा पेश गरिएका प्रमाणहरु नक्कली

काठमाडौँ।  क्रिस्टियानो रोनाल्डोमाथि लागेको बलात्कारका आरोपमा पेश गरिएका प्रमाणहरु नक्कली भएको उनका वकिलले बताएका छन् । रोनाल्डोले सन् २००९ मा अमेरीकाको लस भेगसमा काथरीनलाई बलात्कार गरेको भन्दै केही साता अगाडि काथरीनले

युभेन्ट्सको जितमा रोनाल्डोको गोल 

काठमाडौँ।  इटालियन सिरी ए मा युभेन्टसले लगातार अठौ खेलमा जित हासिल गरेको छ। गएराती भएको खेलमा युभेन्टसले उडीनेसलाई २-० गोल अन्तरले पराजित गर्दै सिरी ए मा लगातार आठौ जित हासिल


z