आर्थिक विकास र समृद्धिमा बिम्स्टेक केन्द्रित हुनुपर्नेमा जोड

खरीबोट
ad

काठमाडौँ । बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास बिम्स्टेकले अगाडि सारेको आर्थिक विकास र समृद्धिलाई केन्द्रमा राखेर काम गर्नुपर्नेमा कूटनीतिक क्षेत्रका जानकार तथा विज्ञले जोड दिएका छन् । 

आर्थिक समृद्धि, गरिबीको अन्त्य र सम्पर्क सञ्जालको विस्तार गर्ने लक्ष्यका साथ स्थापना गरिएको बिम्स्टेक लक्ष्यअनुसार अगाडि बढ्न नसक्नुको कारणको खोजी गर्दै आगामी दिनमा त्यसलाई सबल, सक्षम बनाउनुपर्ने उनीहरुको धारणा छ । 

परराष्ट्र मामिला अध्ययन प्रतिष्ठानले आज यहाँ आयोजना गरेको ‘बिम्स्टेक ः स्पष्ट प्रक्षेपण’ विषयक गोष्ठीलाई सम्बोधन गर्दै कूटनीतिक क्षेत्रका जानकारले लक्ष्यअनुसार नै अन्तर्राष्ट्रिय फोरमलाई प्रयोग गर्दै त्यसबाट लाभ लिनुपर्ने विचार व्यक्त गरे । 

कार्यक्रमलाई सम्बोधन गर्दै नेकपा एमालेका नेता एवम् पूर्वप्रधानमन्त्री माधवकुमार नेपालले गरिबी, बेरोजगारीको अन्त्य र सम्पर्क सञ्जालको विकासका लागि विशेष ध्यान दिएर अगाडि बढ्नुपर्नेमा जोड दिए । 

उनले भने, ‘नेपाल जस्ता अल्पविकसित मुलुकको आर्थिक समृद्धि र विकासका लागि यस्ता अन्तर्राष्ट्रिय निकाय साझेदार र सहयोगी बन्न सक्छन् । त्यसबाट हामीले प्रशस्त लाभ लिन सक्नुपर्छ ।’ 

बिम्स्टेकमा नेपालले गरिबी निवारणको लक्ष्यलाई आफ्नो प्राथमिकतामा राखेको भन्दै पूर्वप्रधानमन्त्री नेपालले आफूले गर्छौं भनेर प्रतिबद्धता जनाएको विषयमा प्रष्ट भएर काम गर्नुपर्ने र उदाहरण नै बनेर प्रस्तुत हुनुपर्नेमा जोड दिए । 

नेपाल राजनीतिक संक्रमणकालबाट स्थिरताको दिशामा अगाडि बढेको भन्दै उनले वामगठबन्धनले सबै छिमेकीसँग समान सम्बन्ध राखेर अगाडि बढ्ने विश्वास व्यक्त गरे । 

नेपालले कहिल्यै पनि कसैका विरुद्ध कसैलाई प्रयोग नगरेको भन्दै नेता नेपालले सबै छिमेकीसँग सहकार्यका आधारमा समान सम्बन्ध राख्दै अगाडि बढ्ने स्पष्ट पारे । फरक एक प्रसंगमा नेता नेपालले नयाँ सरकार गठन हुनै दिँदैनौँ भने जसरी जनमतको अपमान नगर्नसमेत सम्बन्धित पक्षको ध्यानाकर्षण गराए । 

कार्यक्रममा परराष्ट्र मन्त्रालयका सचिव शंकरदास बैरागीले आर्थिक समृद्धि, गरिबी, बेरोजगारीको अन्त्य गर्ने र जनस्तरमा सम्बन्ध विस्तार गर्ने लक्ष्यका साथ स्थापना भएको बिम्स्टेकलाई सार्थक र प्रभावकारी बनाउन सबैको साथ र सहयोगको जरुरी रहेको बताए । 

कार्यपत्र प्रस्तुत गर्दै पूर्वअर्थमन्त्री मधुकरशम्शेर जंगबहादुर राणाले राजनीतिक विषयभन्दा पनि आर्थिक विषयलाई केन्द्रित गरेर स्थापना भएको बिम्स्टेकबाट नेपालले फाइदा लिन हरसम्भव प्रयास गर्नुपर्ने बताए । 

यस्तै, अर्का कार्यपत्र प्रस्तोता संयुक्त राष्ट्रसंघका लागि नेपालका पूर्वस्थायी प्रतिनिधि मधुरमण आचार्यले बिम्स्टेक स्थापनाको लामो समय भएपनि त्यसले लिएका लक्ष्य कार्यान्वयन हुन नसक्नुको कारण खोज्दै भावी दिनमा त्यसलाई प्रभावकारी बनाउनुपर्ने धारणा राखे । 

प्रतिष्ठानका कार्यकारी निर्देशक पन्नाकाजी अमात्यले सार्थक प्रयासबाट मात्रै अन्तर्राष्ट्रिय संघसंस्थाको उपादेयता देखिने भएकाले त्यसमा लाग्नुपर्नेमा जोड दिए ।  
 

सम्बन्धित समाचार

संसदमा बिम्स्टेक महासन्धि अनुमोदित

काठमाडौँ । राष्ट्रियसभाले अन्तर्राष्ट्रिय आतङ्कवाद तथा अन्तरदेशीय सङ्गठित र अवैध लागुऔषध कारोबारविरुद्ध सहयोगसम्बन्धी बिम्स्टेक महासन्धिलाई सर्वसम्मतिले अनुमोदन गरेको छ । आजको बैठकमा गृहमन्त्री रामबहादुर थापाले उक्त महासन्धिलाई अनुमोदन गरियोस् भन्ने प्रस्ताव

बिम्स्टेक सैन्य अभ्यासमा सेना नजाने निर्णयलगत्तै भारतीय राजदूतले भेटे प्रधानसेनापति 

काठमाडौं । बहुपक्षीय आर्थिक तथा प्राविधिक सहयोगका लागि बंगालको खाडीको प्रयास (बिम्स्टेक) राष्ट्रहरुका सेनाले भारतको पुणेमा गर्नलागेको संयुक्त सैन्य अभ्यासमा नेपाल नजाने निर्णय गरेको भोलिपल्टै भारतीय राजदूतले प्रधानसेनापतिसँग भेटवार्ता गरेका

बिम्स्टेक देशको सैन्य अभ्यासबाट नेपाल पछि हट्यो, के भन्छन् भारतीय मिडिया ?

काठमाडौं । नेपालमा यही भदौ १४ र १५ गते बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिम्स्टेक) सम्मेलन भयो । यसमा म्यान्मार, थाइल्याण्ड, भुटान, बंगलादेश, भारत, श्रीलंका र

बिम्स्टेक मुलुकबीच सैन्य अभ्यासको निर्णय भएको छैन : मन्त्री ज्ञवाली

काठमाडौँ । परराष्ट्रमन्त्री प्रदीपकुमार ज्ञवालीले बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास (बिम्स्टेक) को चौथो सम्मेलनको कुनै पनि संयन्त्रमा आपसी सैन्य अभ्यास गर्ने भन्ने विषय समावेश नभएको बताएका


z