काठमाडौँ । जनता समाजवादी पार्टी (जसपा) का अध्यक्ष उपेन्द्र यादवले जुन संसदलाई प्रधानमन्त्रीको विश्वास छैन सो संसदले प्रधानमन्त्रीलाई कसरी मत दिने ? भन्दै प्रश्न गरेका छन् ।
प्रतिनिधि सभामा प्रधानमन्त्री केपी शर्मा ओलीले विश्वासको मत लिने प्रस्तावमाथि बोल्दै यादवले संसदलाई असंबैधानिक रुपमा विघटन गरेको संसदले प्रधानमन्त्रीलाई कसरी विश्वास मत दिने भन्दै प्रधानमन्त्रीमाथि प्रश्न गरेका छन् ।
नेता यादवले प्रधानमन्त्री ओलीले संबिधानलाई समाप्त पारेर संघीय लोकतान्त्रिक गणतन्त्रलाई नै समाप्त पार्ने काम प्रधानमन्त्रीले गरेको आरोप लगाए ।
कमिसनका कारणले खोप नआएको भन्दै नेता यादवले जनताको जीवनसँग यति ठुलो खेलवाड गर्ने सरकारलाई विश्वास गर्न नसकिने बताए ।
यादवले यस अघिको संसद अधिवेशन अन्त्य गरेर अध्यादेशबाट शासन गर्न प्रधानमन्त्रीले खोजेको भन्दै स्वछाचारी शासन गर्न खोजेको आरोप लगाए ।
उनले आयोजनाको डिजाइन नहुदै, बजेट नहुदै सिलान्यास र आयोजना नसकिदै उद्घाटन गरिनुलाई विकास नभनिने बताए ।
यादवले प्रधानमन्त्री ओलीलाई विश्वासको मतको विपक्षमा मत दिने बताउदै विकल्प खोज्ने बाटोमा अगाडी बढेको बताए ।