तराईमा शितलहर बढेपछि कञ्चनपुरका सामुदायिक विद्यालय तीनदिनका लागि बन्द

खरीबोट

फाइल फोटो ।

ad

कञ्चनपुर । अत्यधिक चिसो र शीतलहरका कारण कञ्चनपुरका सामुदायिक विद्यालय आजदेखि तीन दिनका लागि बन्द गर्ने निर्णय गरिएको छ । 

जिल्ला शिक्षा कार्यालयमा बसेको बैठकले जिल्लाका सबै सामुदायिक विद्यालयमा यही पुस २४, २५ र २६ गते बिदा दिने निर्णय गरेको हो । ‘अत्यधिक चिसोसँगै शीतलहर चल्न थालेपछि बालबालिकालाई विद्यालयमा पढाउनसमेत अप्ठेरो हुन थालेकाले विद्यालय बिदामा मिलान हुने गरी तीनदिन विद्यालयमा बिदा दिने निर्णय गरेका छौँ’, जिल्ला शिक्षा अधिकारी अमरप्रसाद भट्टले भने । 

विद्यालयमै आगो बालेर बालबालिकालाई पढाउनु पर्ने अवस्था आएकाले बिदा दिइएको उनले बताए । 

चिसोले जनजीवन प्रभावित 

अत्यधिक चिसो र शीतलहरका कारण कञ्चनपुरको जनजीवन नराम्ररी प्रभावित भएको छ । चिसो बढेसँगै सुकुम्बासी, निकुञ्ज पीडित तथा मुक्तकमैया बस्तीका बासिन्दा बढी प्रभावित भएका छन् । न्यानो लुगा र चिसो छल्ने सामथ्र्य नभएका गरिब बस्तीका बासिन्दा चिसोबाट बढी प्रभावित भएका हुन् । 

पर्याप्त न्यानो लुगाफाटो नभएका कारण कठ्याङ्ग्रिँदो जाडोमा प्रभावित हुनुपरेको ढक्का निकुञ्ज पीडित शिविरमा बस्दै आएका सरिता नेपालीले बताए । 

चिसोका कारण गरिबीको मार खेप्दै आएका निकुञ्ज पीडित बस्तीका गर्भवती, सुत्केरी महिला, नवजात शिशु, विद्यालय जाने उमेरका केटाकेटी र वृद्धावस्थामा रुघाखोकी ज्वरो तथा श्वासप्रश्वाससम्बन्धी समस्या देखिन थालेको छ । 
बाक्लो हुस्सु, कुहिरो र शीतलहरका कारण कृषकले लगाएको आलु, गोलभेँडालगायतका तरकारीबालीसमेत प्रभावित भएको छ । डढुवाका कारण तरकारी बालीमा असर देखिन थालेपछि किसानलाई विषादीको प्रयोग गर्न कृषि प्राविधिकले सल्लाह दिन थालेका छन् । 

बाक्लो हुस्सु, कुहिरो र शीतलहरका कारण ग्रामीण क्षेत्रका स्वास्थ्य संस्थामा रुघाखोकी, ज्वरो, निमोनिया र श्वासप्रश्वाससम्बन्धी बिरामीको संख्या बढ्न थालेको छ । 
बाक्लो हुस्सु र कुहिरोका कारण यहाँको यातायात सेवासमेत प्रभावित बनेको यातायात व्यवसाय समितिका अध्यक्ष नवीन भट्टले बताए । चिसोले घर बाहिर हिँडडुुल गर्न कठिनाइका कारण मानिस यात्रामा निस्कन सकेका छैनन् । 

चोक चोकमा दाउरा बाल्ने व्यवस्था 

शुक्लाफाँटा नगरपालिकाले अत्यधिक चिसो बढेपछि आजदेखि चोक चोकमा दाउरा बाल्ने व्यवस्था मिलाएको छ ।वातावरण मध्यवर्ती सामुदायिक वनबाट निःशुल्करुपमा दाउरा उपलब्ध गराई नगरपालिकाका चोक चोकमा बाल्ने व्यवस्था गरिएको हो । 

झलारी बजार, वन समिति बजार, गर्जमुनि बजार र कलुवापुर बजारका ठाउँ ठाउँमा दाउराको व्यवस्था गरी आगो ताप्ने व्यवस्था मिलाइएको नगरपालिकाका नगर प्रमुख दिलबहादुर ऐरले बताए । आर्थिक अवस्था कमजोर भएका, यात्रु र व्यवसायी यसबाट लाभान्वित भएको जानकारी दिंदै उनले भने, ‘ग्रामीण क्षेत्रमा समेत दाउरा उपलब्ध गराई आगो ताप्ने व्यवस्था मिलाउन लागेका छौँ ।’

संघीय मामिला तथा स्थानीय विकास मन्त्रालयको अग्नि नियन्त्रण तथा विपद् व्यवस्थापन शाखाले शीतलहर तथा हिमपात पूर्वतयारीका लागि सतर्कता अपनाउन गरेको पत्राचारअनुसार दाउराको व्यवस्था गरिएको उनको भनाइ छ । 
यसैगरी, बेलौरी नगरपालिकाले समेत चिसोबाट सर्वसाधारणलाई जोगाउन बेलौरी, कलकत्ता, गोकुलपुरलगायत क्षेत्रमा आगो बाल्ने व्यवस्था गरिएको जनाइएको छ । 

सम्बन्धित समाचार

हिमालयन बैंकद्वारा विद्यालयहरुलाई कम्प्युटर वितरण

काठमाडौँ। हिमालयन बैंक लिमिटेडले आफ्नो पच्चीसौं वार्षिकोत्सवको अवसरमा बैंकको संस्थागत सामाजिक उत्तरदायित्व अन्तर्गत देशका विभिन्न स्थानमा रहेका सामुदायिक विद्यालयहरुलाई सहयोग स्वरुप कम्प्युटरहरु प्रदान गरेको छ ।  बैंकले, कुलेश्वर माध्यमिक विद्यालय (कुलेश्वर,

पारदर्शी छैन निजी विद्यालयका शिक्षकको सुविधा

काठमाडौँ । जी विद्यालयले मागे जति शुल्क तिर्न अभिभावक बाध्य छन् । तर, त्यहाँ कार्यरत शिक्षकले उचित तलब नपाएको गुनासोको अन्त्य भएको छैन । सामुदायिक विद्यालयको तुलनामा निजी (संस्थागत) विद्यालयका विद्यार्थीको

पुराना विद्यालयको संरक्षण गरिने : उपप्रधानमंत्री पोखरेल

काठमाडौँ । उपप्रधान तथा रक्षामन्त्री ईश्वर पोखरेलले पुराना विद्यालयलाई सरकारले संरक्षण गर्ने बताएका छन् । महाराजगञ्जस्थित शिवपुरी माध्यामिक विद्यालयको आज आयोजित ७०औं वार्षिकोत्सवलाई सम्बोधन गर्दै उनले पुराना विद्यालय ऐतिहासिक सम्पदा भएकाले

रूकुमका १३ सामुदायिक विद्यालयको खाता रोक्का

मुसिकोट / रुकुम पश्चिमको चौरजहारी नगरपालिकाले १३ सामुदायिक विद्यालयको खाता रोक्का गरेको छ ।  नगरपालिकाभित्रका सामुदायिक विद्यालयको नियमित अनुगमनपछि यहाँका १३ विद्यालयको खाता रोक्का गरिएको हो । आधारभूत विद्यालय गोइरी, अङ्गेरी,


z