- २०८१ जेठ १ मंगलबार
काठमाडौं । बंगलादेश जारी यु–१९ महिला साफ च्याम्पियनसिपको फाइनलमा पुगेको छ । आइतबार सम्पन्न लिग चरणको अन्तिम खेलमा श्रीलंकालाई १२-० गोल अन्तरले पराजित गर्दै बंगलादेश फाइनलमा पुगेको हो ।
योसँगै नेपालको फाइनलमा पुग्ने सम्भावना सकिएको छ । यस अघि भारतले नेपाललाई १-० गोल अन्तरले पराजित गर्दै फाइनलमा आफ्नो स्थान सुरक्षित गरेको थियो ।
अब फाइनल खेलमा भारत र आयोजक बंगलादेशबीच प्रतिष्पर्धा हुने छ । फाइनल खेल आगामी बुधबार हुने छ ।
