काठमाडौँ । भारतका चर्चित संगीतकार बप्पी लहरीको निधन भएको छ ।
आफ्नो डिस्को बीट्सका लागि परिचित लाहिरीको ६९ वर्षको उमेरमा गएराति मुम्बईको एक अस्पतालमा निधन भएको हो । स्वास्थ्यसँग सम्बन्धित विभिन्न समस्याबाट पीडित लाहिरी एक महिनाअघि अस्पतालमा भर्ना भएका थिए ।
उनलाई सोमबार नै अस्पतालबाट डिस्चार्ज गरिएको थियो । तर, मंगलबार उनको स्वास्थ्यमा अकस्मात समस्या देखिएपछि घरमै चिकित्सक बोलाइएको थियो । तत्काल उनलाई अस्पताल पुर्याइएको थियो ।
प्रधानमन्त्री नरेन्द्र मोदीले पनि उनको मृत्युप्रति दुःख व्यक्त गरेका छन् । उनको निधनप्रति बलिउडका विभिन्न कलाकर्मीले दुःख व्यक्त गरेका छन् ।
उनको अन्तिम संस्कार भोलि गरिने परिवारका सदस्यले बताएको भारतीय मिडियाले उल्लेख गरेका छन् । उनका छोरा बाप्पा हाल अमेरिकामा छन् र भोलि दिउँसो मुम्बई पुग्नेछन् । त्यसपछि उनको दाहसंस्कार गरिने छ ।