लालबाबुको पहिलो एक्सन : इआइए मापदण्ड पूरा नगरेका सोल्टी र द्वारिका होटललाई एक-एक लाख जरीवाना

खरीबोट
ad

काठमाडौं । सरकारले वातावरणीय प्रभाव मूल्यांकन (इआइए) मापदण्ड पूरा नगरी सेवा दिएको भन्दै पाँचतारे होटल, चार वटा ठूला अस्पतालसहित ११ वटा कम्पनीलाई कारवाही गर्दै जरिवाना तिराउने निर्णय गरेको छ । 

जनसंख्या तथा वातावरणमन्त्री लालबाबु पण्डितले पाँचतारे होटल सोल्टी र  द्वारिकाजलाई एक–एक लाख जरिवाना गराउने निर्णय गरेका छन् ।

काठमाडौँको रवि भवनमा रहेको होटल सोल्टी र गौशाला बत्तिसपुतलीमा रहेको द्वारिकाजले होटल विस्तार गर्दा इआइए मापदण्ड पूरा नगरेको जनसंख्या तथा वातावरण मन्त्रालयको दावी छ । यस्तै, ठमेलमा रहेको काठमाडौं गेष्ट हाउस, रविभवनमै रहेको सिटी होटललाई पनि एक–एक लाख रुपैयाँ जरिवाना र एक महिनाभित्र इआइए गर्न समय दिइएको छ ।

इआइए नगर्नेमा काठमाडौंका चारवटा ठूला अस्पताल र बालाजुमा रहेको दूध वितरण आयोजना पनि छन् । नेशनल हस्पिटल कलंकी, अन्तर्राष्ट्रिय मैत्री बाल अस्पताल महाराजगञ्ज, काठमाडौं मोडल हस्पिटल भृकुटीमण्डप र काठमाडौँ अस्पताल त्रिपुरेश्वर रहेका छन् । उनीहरुलाई तत्काल इआइए गराइ कारवाही गर्न जनसंख्या तथा वातावरण मन्त्रालयले स्वास्थ्य मन्त्रालयलाई सिफारिस गरेको छ । 

यस्तै, मापदण्ड विपरित सञ्चालनमा रहेको तनहुँको अरनिको आबुखैरेनी सिमेन्ट इन्डस्ट्रिज र मोरङको कमला रोलिङ मिल प्रालिलाई ५० हजार रुपैयाँ जरिवाना तिराउने निर्णय मन्त्रालयले गरेको छ ।

यस्तै काठमाडौंको बालाजुमा रहेको दूग्ध वितरण आयोजनाले पनि मापदण्ड पूरा नगरेको पाइएपछि ५० हजार रुपैयाँ जरिवाना तिराउने निर्णय मन्त्रालयले गरेको छ ।
 

सम्बन्धित समाचार

दस हजार कर्मचारी स्थानिय तहमा पठाउँछौं : मन्त्री लालबाबु पण्डित

बारा । संघीय मामिला तथा सामान्य प्रशासन मन्त्री लालबाबु पण्डितले कर्मचारी अभाव खेपिरहेको स्थानिय तहका लागि दस हजार कर्मचारी पठाउँने तयारी भईरहेको बताएका छन् बारा जिल्ला स्थित जीतपुरसिमरा उपमहानगरपालिकाको दोस्रो नगर

कार्यालय समयमा युनियन गतिविधि हुन नहुने ; मन्त्री पण्डित

पोखरा / संघीय मामिला तथा सामान्य प्रशासनमन्त्री लालबाबु पण्डितले कार्यालय समयमा ट्रेड युनियन गतिविधि हुन नहुने बताएका छन  ।  कास्की जिल्लास्थित सरकारी कार्यालयका प्रमुखलाई आज सम्बोधन गर्दै उनले काम नगरी समय

स्थानीय निकायमा यथाशीघ्र कर्मचारी पठाइने

हेटौँडा । संघीय मामिला तथा सामान्य प्रशासनमन्त्री लालबाबु पण्डितले स्थानीय निकायलाई सबल एवं चुस्त बनाउन यथाशीघ्र कर्मचारी पठाउने कार्य भइरहेको बताएका छन् ।  प्रदेश नं ३ का मुख्यमन्त्री डोरमणि पौडेलसँग आज

जनताले अनुभूति गर्ने खालको सेवा दिनुपर्ने : मन्त्री पण्डित

काठमाडौँ । संघीय मामिला तथा सामान्य प्रशासन मन्त्री लालबाबु पण्डितले जनताले अनुभूति गर्न खालेको सेवा दिनुपर्नेमा जोड दिनुभएको छ ।  मन्त्रालयमा उच्चस्तरीय प्रशासन सुधार कार्यान्वयन तथा अनुगमन समितिले आज ‘सार्वजनिक सेवाको भावीस्वरुप