- २०८१ बैशाख १४ शुक्रबार
काठमाडौं । दार्चुलाको अपिहिमाल गाउँपालिकाको अध्यक्ष पद माओवादी केन्द्रले जितेको छ ।
गठबन्धनबाट उमेदवार बनेका माओवादी केन्द्रका उम्मेदवार भगतसिंह ठेकरेले २ हजार ३०४ मत पाएका छन् । त्यस्तै एमालेका धर्मानन्द मन्यालले भने १ हजार ३८५ मत पाए ।
त्यस्तै, उपाध्यक्षमा गठबन्धनबाटै नेपाली कांग्रेसकी देवकी ठेकरे विजयी भएकी छिन् । उनले २ हजार २७ मत पाएकी छिन् । पराजित उर्मिला बोहराले भने १ हजार ३९१ मत पाएकी छन् ।
६ वडा रहेको यस गाउँपालिकामा काँग्रेस र माओवादी केन्द्रले ३-३ वडाअध्यक्ष जितेका छन् ।
