- २०८१ बैशाख १५ शनिबार
काठमाडौँ । भारतीय र्यापर यो यो हनी सिंहको श्रीमती शालिनी तलवारसँग सम्बन्धविच्छेद भएको छ । दिल्लीको साकेत जिल्ला अदालतको पारिवारिक अदालतले यस विषयमा सुनुवाइ गरेको हो । हनी सिंह र शालिनी तलवारबीच बिहीबार अदालतमा सम्बन्ध विच्छेदको यो मुद्दा टुंगिएको थियो ।
शालिनीले गत वर्ष अगस्ट ३ मा हिरदेश सिंह अर्थात हनी सिंहविरुद्ध घरेलु हिंसाको मुद्दामा दायर गरेकी थिइन् । उनले हनी सिंहसँगको विवाहलाई १० वर्ष दिएको र बदलामा आफूलाई शारीरिक र मानसिक यातना मात्र दिएको शालिनीले बताएकी थिइन् ।
शालिनीले गायकले अन्तर्राष्ट्रिय भ्रमणको बहानामा अन्य महिलासँग अवैध शारीरिक सम्बन्ध राखेको पनि आरोप लगाएकी थिइन् । शालिनीले उनका श्रीमानले आफूलाई जनावर जस्तै व्यवहार गर्ने गरेको र अब उनी हनी सिंहसँग अलग हुन चाहेको दायर मुद्धामा उल्लेख गरेकी थिइन् । याचिका दायर गर्दा शालिनीले पूर्व विद्यार्थीलाई १० करोड पनि मागेकी थिइन् ।
शालिनीसँग हानी सिंहले १७ वर्ष डेट गरेपछि २३ जनवरी २०११ मा विवाह गरेका थिए । दुवैले एक अर्कालाई सानैदेखि चिनेका थिए र एउटै विद्यालयमा पढेका थिए ।
यता हनी सिंहले शालिनीको आरोप अस्वीकार गरेका छन् । शालिनीको आरोपपछि हनी सिंहले ६ अगस्टमा सामाजिक सञ्जालमा एउटा नोट सेयर गरेका थिए । जसमा उनले यी सबै आरोप अस्वीकार गरेका छन् ।
हनी सिंहले नोटमा लेखेका थिए, म माथि झुटा आरोप लगाइनु निकै दुखको कुरा हो । यस्ता आरोपका कारण म निकै दुखी छु । ममाथि लगाइएका सबै आरोप निन्दनीय छन् र मलाई उत्पीडन गर्नका लागि मात्र लगाइएको हो ।
