काठमाडौं । गण्डकी प्रदेशका युवा तथा खेलकुद मन्त्री दिपक मनाङे फेरी एमाले तिर लागेका छन् ।
उनको लागि कांग्रेसले क्षेत्र खाली गरिदिएपनि मनाङे एमालेको समर्थनमा मनाङको प्रदेश सभा ख बाट स्वतन्त्र उम्मेदवार बनेका हुन् ।
उनले आफुलाई गठबन्धन मन नपरेको भन्दै फेरी एमालेको समर्थन लिएको बताएका छन् ।
मनाङमा एमालेबाट प्रतिनिधि सभामा पोल्देन छोपाङ गुरुङ उम्मेदवार बनेका छन् भने प्रदेशसभातर्फ क बाट जिल्ला सचिव राजन गुरुङ उम्मेदवार बनेका छन् । मनाङेले अघिल्लो पटक पनि एमालेकै सहयोगमा जितेका थिए ।