- २०८१ बैशाख १५ शनिबार
सर्लाही । सर्लाही-२ बाट नेकपा (माओवादी केन्द्र) का उम्मेदवार महेन्द्र राय यादव प्रतिनिधिसभामा विजयी भएका छन् ।
यादवले लोकतान्त्रिक समाजवादी पार्टीका उम्मेदवार राजेन्द्र महतोलाई पराजित गर्दै प्रतिनिधि सभा सदस्यमा विजयी भएका हुन् ।
जिल्ला निर्वाचन कार्यालय सर्लाहीका अनुसार यादवले २२ हजार ६३१ मत प्राप्त गरेका छन् ।
त्यस्तै, लोसपाका उम्मेदवार महतोले २० हजार १६५ मत प्राप्त गरेका छन् ।
सर्लाही-२ मा ७२ हजार ३३ मत खसेको थियो भने तीन हजार ७९७ मत बदर भएको थियो ।
