- २०८१ बैशाख २३ आइतबार
काठमाडौं । शहिद स्मारक ’ए’ डिभिजन लिग अन्तर्गत शनिबार सम्पन्न तेस्रो खेलमा मनाङ मर्स्याङ्दी क्लब र हिमालयन शेर्पा क्लब बराबरीमा रोकिएका छन् ।
१-० गोलले पछि परेको हिमालयन शेर्पाले खेलको अन्त्य तिर पुनरागमन गर्दै मनाङलाई बराबरीमा रोकेको हो । हिमालयन शेर्पाका सुरेस कुमालले खेलको ८५औँ मिनेटमा गोल गर्दै खेल बराबरी गरेका थिए ।
यसअघि मनाङका लागि खेलको १४औं मिनेटमा रोशन राना मगरले गोल गर्दै शुरुवाती अग्रता दिलाएका थिए ।
त्यस्तै शनिबारनै भएका खेलमा विभागीय टोली एपीएफ क्लब र नवप्रवेशी क्लब चर्च ब्वाइज युनाइटेडले विजयी सुरुआत गरेका छन् । थ्री स्टार क्लबलाई २–० गोल अन्तरले हराउँदै एपीएफले विजयी सुरुआत गरेको हो भने अर्को खेलमा चर्च ब्वाइजले नेपाल पुलिस क्लबलाई २–१ गोल अन्तरले हराएको थियो ।
