- २०८१ बैशाख १७ सोमबार
काठमाडौँ । शहिद स्मारक ए डिभिजन लिग अन्तर्गत चर्च ब्वाइज युनाइटेडसँग पराजित भएपछि खुमलटार क्लब रेलिगेसनमा परेको छ ।
शुक्रबार एन्फा कम्प्लेक्समा सम्पन्न खेलमा चर्च ब्वाइजले खुमलटारलाई २-० गोल अन्तरले पराजित गरेको थियो ।
चर्च ब्वाइजले यसअघि नै ए डिभिजन लिगको उपाधि जितेको छ । यो जितपछि चर्च ब्वाइजले २६ खेलमा ४८ अंकसहित लिग जितेर यो सिजनको समाप्त गरेको छ ।
त्यस्तै खुमलटार भने रेलिगेसनमा परेको छ । खुमलटारको २६ खेलमा ८ जित ३ बराबरी र १५ हारसहित २७ अंक रहेको छ र लिगमा पुछारमा रहदै रेलिगेसनमा परेको छ ।
