बौद्ध सम्मेलनको तयारीबारे मन्त्री पोखरेलद्वारा जानकारी

खरीबोट

फाइल तस्बिर ।

ad

बुटवल । रक्षामन्त्री ईश्वर पोखरेलले बुद्ध जन्मस्थल लुम्बिनी सिंगो नेपाली जनताको साझा गौरव गर्ने ठाउँ भएकाले लुम्बिनीमा आयोजना हुने अन्तर्राष्ट्रिय बौद्ध सम्मेलन र बुद्ध जयन्तीलाई भव्यरुपले सफल पार्न तयारीमा लाग्न सबैसँग आग्रह गरेका छन् ।

बुद्ध जन्मस्थल लुम्बिनीमा २५६२ औं बुद्ध जयन्ती तथा अन्तर्राष्ट्रिय बौद्ध सम्मेलनका लागि नेपाली सेनाले करिब एक महिनाको अवधिमा निर्माण गरेको तीन हजारभन्दा बढी क्षमताको सभागृह तथा बुद्ध जन्मस्थल लुम्बिनीमा बुद्ध जयन्ती तथा अन्तर्राष्ट्रिय बौद्ध सम्मेलनको तयारी सम्बन्धमा जानकारी लिन रक्षा मन्त्री पोखरेल आज लुम्बिनी गएका थिए ।

उनले भने – ‘यही वैशाख १५ र १६ गते आयोजना हुने अन्तर्राष्ट्रिय बौद्ध सम्मेलनले नेपालसँगै अन्तर्राष्ट्रिय जगतमा समेत महत्वपूर्ण सन्देश दिने भएकाले यसलाई सफल बनाउनु सबैको कर्तव्य हो ।’ 

नेपाली जनताको आस्थाको धरोहर लुम्बिनीको संरक्षण तथा प्रचारप्रसार गर्ने काम सबैको चासोको विषय हुनुपर्ने पनि उनले बताए । 

लुम्बिनीको विकासमा स्थानीय जनता, नागरिक समाज, राजनीतिक दलको विशेष चासो भएमा यसको विकास प्रभावकारी ढंगले अगाडि बढाउन सकिने बताउँदै उनले भने, ‘राष्ट्रिय गौरवको साझा महत्वपूर्ण क्षेत्रको संरक्षण, सम्वद्र्धन र सुरक्षामा सबै लाग्नुपर्छ ।’ 

उनले लुम्बिनीको योजनाबद्ध विकासका लागि चार दशकदेखि कार्यान्वयनमा रहेको लुम्बिनी गुरुयोजनाको काम विगतमा देशमा जारी द्वन्द्व लगायतका कारणले प्रभावकारीरुपमा अघि बढ्न नसकेको स्वीकार्दै सरकारले लुम्बिनीको विकासका लागि राजनितिक क्रिडास्थल बन्न नदिने, योग्यता, क्षमता र योगदानलाई हेरेर दक्ष र विज्ञ व्यक्तिलाई नेतृत्वको जिम्मेवारी दिने समेत बताए । 

रु चार करोड लागतमा उक्त सभागृह नेपाली सेनाले करिब एक महिना लगाएर निर्माण सम्पन्न गरेको हो । 

लुम्बिनीमा हुने तीन दिने कार्यक्रमको सम्पूर्ण तयारीका बारेमा मन्त्री पोखरेललाई प्रदेश ५ का पर्यटन मन्त्री लीला गिरी र लुम्बिनी विकास कोषका निमित्त सदस्य सचिव इन्जिनियर सरोज भट्टराईले जानकारी गराएका थिए । 

सो अवसरमा मन्त्री पोखरेलले जिल्लास्थित उच्च सुरक्षा निकायका प्रमुख तथा प्रमुख जिल्ला अधिकारीसँग सम्मेलनका लागि भएका सुरक्षा प्रवन्धबारे जानकारी लिएका थिए । मन्त्री पोखरेलले सभागृहको अवलोकनपछि मायादेवी मन्त्रीको अवलोकन तथा दर्शनसमेत गरेका थिए । 

यही वैशाख १५ र १६ गते अन्तर्राष्ट्रिय बौद्ध सम्मेलन तथा १७ गते २५६२ औँ बुद्धजयन्ती कार्यक्रमका लागि प्रधानमन्त्री केपी शर्मा ओली तीन दिन लुम्बिनीमा रहने कार्यक्रम रहेको छ । यस्तै, बुद्ध जयन्ती कार्यक्रमका लागि प्रमुख अतिथि राष्ट्रपति विद्यादेवी भण्डारी लुम्बिनी आउनुहुने कार्यक्रम रहेको छ । 

सम्बन्धित समाचार

पुराना विद्यालयको संरक्षण गरिने : उपप्रधानमंत्री पोखरेल

काठमाडौँ । उपप्रधान तथा रक्षामन्त्री ईश्वर पोखरेलले पुराना विद्यालयलाई सरकारले संरक्षण गर्ने बताएका छन् । महाराजगञ्जस्थित शिवपुरी माध्यामिक विद्यालयको आज आयोजित ७०औं वार्षिकोत्सवलाई सम्बोधन गर्दै उनले पुराना विद्यालय ऐतिहासिक सम्पदा भएकाले

करसम्बन्धी समस्या समाधान गर्न सरकार प्रतिबद्ध : कार्यवाहक प्रधानमन्त्री पोखरेल

काठमाडौँ। कार्यवाहक प्रधानमन्त्री ईश्वर पोखरेलले सर्वसाधारणलाई मारमा पार्ने कुनै पनि प्रकारका करको समस्या समाधान गर्न सरकार प्रतिबद्ध रहेको बताए ।  ललितपुर उद्योग वाणिज्य महासङ्घको ३९औँ वार्षिक साधारणसभालाई आज सम्बोधन गर्दै कार्यवाहक

बालिका संरक्षणका लागि सामाजिक चेतना र जागरण अभियान सञ्चालन गरिने

काठमाडौँ । कार्यवाहक प्रधानमन्त्री ईश्वर पोखरेलले बालिका संरक्षणका लागि सामाजिक चेतना र जागरण अभियान सञ्चालन गर्न जरुरी भएको बताएका छन् । महिला, बालबालिका तथा ज्येष्ठ नागरिक मन्त्रालयद्वारा आज आयोजित ‘दोस्रो बालिका

ईश्वर पोखरेललाई कार्यवाहक प्रधानमन्त्रीको जिम्मेवारी 

काठमाडौँ। राष्ट्रपति विद्यादेवी भण्डारीले कार्यवाहक प्रधानमन्त्रीको जिम्मेवारी उपप्रधानमन्त्री एवं रक्षामन्त्री ईश्वर पोखरेललाई दिएकी छन् ।  प्रधानमन्त्री ओलीको सिफारिशमा उपप्रधानमन्त्री पोखरेललाई राष्ट्रपति भण्डारीले कार्यवाहक प्रधानमन्त्रीको कार्यभार तोकेकी हुन् । प्रधानमन्त्री ओली संयुक्त


z