- २०८१ बैशाख १८ मंगलबार
काठमाडौँ । विज्ञहरुले मानसिक स्वास्थ्य सुधार्न पारिवारिक कुराकानी आवश्यक रहेको निष्कर्ष निकालेका छन् । अभिभावक र बालबालिका दुवैको मानसिक स्वास्थ्य सुधार्न पारिवारिक कुराकानी आवश्यक रहेको देखिएको छ । पछिल्ला वर्षहरूमा युवाहरुको मानसिक स्वास्थ्यको बारेमा धेरै छलफल भएको छ । हार्वर्डको ग्रेजुएट स्कूल अफ एजुकेशनका अनुसन्धानकर्ता रिचर्ड वेसबोर्डले किशोरकिशोरीहरू जस्तै अभिभावकहरू पनि मानिसिक स्वास्थ्यको समस्यामा हुने बताएका छन् ।
गत डिसेम्बरमा, मेकिङ केयरिङ कमनले ७५० अभिभावकमा गरेको सर्वेक्षणले एक तिहाइ किशोरले आफ्ना अभिभावकमा तनावको अनुभव गरेको निष्कर्ष निकालेको थियो । विइसबोर्डले केयरिङ फर केयरगिभर्सको अध्ययनमा डिप्रेसन भएका आमाबाबुका बालबालिकामा व्यवहार, तनाव ह्यान्डलिङ, सामाजिककरण, शैक्षिक समस्या र मानसिक रोगको उच्च दर रहेको दाबी गरेको छ ।
बाबुआमा र छोराछोरी दुवैलाई पीडा छ भने समस्या बढ्न सक्छ, त्यसैले अभिभावकको मानसिक स्वास्थ्यमा पनि ध्यान दिनु आवश्यक छ, यसले सम्पूर्ण परिवारलाई असर गर्छ ।
किशोरको कुरा सुन्नुहोस्
अध्ययनमा ४० प्रतिशत किशोरहरूले तिनीहरू आफ्ना आमाबाबुले आफ्नो जीवनको बारेमा छलफल गरुन र आफ्नो प्रतिक्रिया जानुन् भन्ने चाहेको बताएका छन् ।
उनीहरुले ढोकाको प्वालबाट होइन ढोका खोलेर आफुहरुलाई अभिभावकले बुझुन भन्ने चाहेको बताएका छन् । बोस्टन बाल अस्पतालका बाल मनोचिकित्सक विलियम बियर्डस्ले यसलाई 'पारिवारिक कुराकानी' पहलको रूपमा हेर्छन् । यसले किशोरहरूलाई भावनात्मक समर्थनको लागि आमाबाबुसँग पुग्न प्रोत्साहित गर्न सक्छ, जुन बलियो सम्बन्धको संकेत हो ।
आमाबाबुले अरूबाट मद्दत लिनुपर्छ
विज्ञहरू भन्छन्- मानसिक स्वास्थ्य समस्याबाट लड्न, तिनीहरूको बारेमा बुझ्न आवश्यक छ । जब किशोरहरू चिन्तित वा निराश हुन्छन्, आमाबाबुले उनीहरूको चिन्ता व्यवस्थापन गर्न शान्त, प्रभावकारी मद्दत र समर्थन प्रदान गर्न आवश्यक छ । डिप्रेसन-एन्जाइटीको उपचार गर्न सकिन्छ, यदि तपाईलाई यसका लागि अरुको सहयोग लिनु पर्यो भने बिना हिच्किचाहट लिने गर्नु पर्दछ ।
हेरचाहकर्ताहरूमा फोकस
आमाबाबुलाई पनि मानसिक स्वास्थ्य हेरचाह चाहिन्छ । स्वास्थ्य केन्द्रहरू, कार्यस्थलहरू र सामुदायिक संस्थाहरू मार्फत आमाबाबुको मानसिक स्वास्थ्यलाई बढावा दिनुले सम्पूर्ण परिवारलाई फाइदा पुग्न सक्छ । आमाबाबु निराश होस् वा नहोस्, आमाबाबुले ठूलो भूमिका खेल्न सक्छ । किनकी उनीहरुको स्वास्थ्यसँग पुरै परिवारको स्वास्थ्य प्रत्यक्ष जोडिएको हुन्छ ।
छलफलमा इमानदार
निराश आमाबाबु भएका किशोरहरूले उनीहरूको व्यवहारको लागि आफैलाई दोष दिन्छन् । त्यसैले अभिभावकहरूले बालबालिकासँग कुरा गर्दा आफ्ना अनुभवहरूप्रति इमानदार हुन सिक्नुपर्छ । जसले बालबालिकामा सकारात्मक प्रभाव पार्दछ ।
लक्ष्यहरू सेट गर्न मद्दत गर्नुहोस्
अध्ययनमा २६ प्रतिशत किशोरहरूले उनीहरूले जीवनमा उद्देश्यको भावना महसुस नगरेको बताएका छन् । यसको सम्बन्ध डिप्रेसनसँग रहेको बुझ्न सकिन्छ । आमाबाबुले बच्चाहरूलाई उनीहरूको जीवन अर्थपूर्ण बनाउन मद्दत गर्नुपर्छ ताकि तिनीहरूको समग्र विकास हुन सकोस् ।
