बार्सिलोनाले ग्रिजम्यान भित्राए लुइस स्वरेजलाई बेच्ने, यस्तो छ कारण   

खरीबोट
ad

काठमाडौँ । बार्सिलोनामा फ्रेन्च प्ले मेकर एन्टोनी ग्रिजम्यान आउने रिपोर्ट आइरहेका बेला बार्सिलोनाका स्ट्राइकर लुइस स्वरेजले आउदो सिजनमा बार्सिलोना छोड्न सक्ने रिपोर्ट सार्वजनिक भएको छ ।

स्पेनिस मिडियाले ग्रिजम्यान बार्सिलोना आएमा स्वरेजले बार्सिलोना छोड्नु पर्ने स्थिति सिर्जना भएको उल्लेख गरेका छन् ।

ग्रिजम्यानलाई भित्राएपछि बार्सिलोनाको अट्याकीङ झन् बलियो हुने जसमा स्वरेजको ठाउ भने नदेखिएको बताइएको छ । यसै सिजनमा बार्सिलोना भित्रिएका ब्राजिलियन प्लेमेकर फिलिप कोन्टिन्हो र ओउसमन डेम्बेले बार्सिलोनामा विस्तारै एडजस्ट हुदै गएको र पछिल्ला खेलमा आफ्नो प्रदर्शन उत्कृष्ट दिन थालेपछि बार्सिलोनामा स्वरेजको भविष्य माथि प्रश्न उठेको बताइएको छ ।

बार्सिलोनाको काटालुनास्थित रेडियो काटालुनाले स्वरेजलेबढ्दै गएको उमेरका कारण बार्सिलोना छोड्ने स्थिति आउने दाबी गरेको छ । साथै स्वरेजलाई उनकै पुर्वक्लब लिभरपुलले भित्राउन सक्ने बताइएको छ ।

बार्सिलोनामा २० बर्षिय डेम्बेलेले इन्जुरिका कारण बार्सिलोनामा एडजस्ट हुन् समय लिएपनि विस्तारै उनको प्रदर्शन देखिन थालेको छ भने २५ बर्षिय कोन्टिन्होले पनि मैदानमा आफ्नो कमाल देखाउन थालेका छन् । 

त्यस्तै २४ बर्षिय पाको अल्कसेरले पनि राम्रो ब्याक अपको रुपमा खेलिरहेका छन् । त्यस्तै ३० बर्षिय लियोनेल मेसी आफ्नो क्यारियरकै उत्कृष्ट फर्ममा अहिले रहेका छन् । यसैबीच २७ बर्षिय ग्रिजम्यान बार्सिलोना आएमा ३१ बर्षका स्वरेजले क्लब छोड्नु पर्ने स्थिति देखा पर्ने रिपोर्टहरुमा उल्लेख गरिएको छ । 

मिडिया रिपोर्टका अनुसार बार्सिलोनाले आन्द्रे इनेस्टालाई रिप्लेस गर्न कोन्टिन्होलाई भित्राए जस्तै क्लब व्यवस्थापनले स्वरेजको विकल्पमा ग्रिजम्यानलाई ल्याउन लागेको उल्लेख गरिएको छ ।

२०१४ मा लिभरपुलबाट बार्सिलोना आएका स्वरेजले बार्सिलोनाका लागि कुल १९६ खेल खेल्दै १५१ गोल गरेका छन् । स्वरेजले ला लिगामा भने १२८ खेलमा १०९ गोल गरेका छन् ।

सन २००७ देखि उरुग्वेको राष्ट्रिय टिमका लागि खेलेका स्वरेजले उरुग्वेका लागि ९७ खेल खेल्दै ५० गोल गरेका छन् । उरुग्वेबाट स्वरेजले २०११ मा कोपा अमेरिकाको उपाधि जितेका थिए ।

त्यस्तै बार्सिलोनाका लागि स्वरेजले तीन पटक ला लिगाको उपाधि जितेका छन् भने चार पटक कोपा, एक पटक च्याम्पियन्स लिग, एक पटक सुपरकोपा र एक पटक फिफा विश्वकपको उपाधि जितेका छन् ।
 

सम्बन्धित समाचार

सेभिलाविरुद्ध बार्सिलोनाको शानदार जित, घाइते मेसीले एल क्लासिको गुमाउने  

काठमाडौँ। स्पेनिस ला लिगामा बार्सिलोनाले सेभिलालाई पराजित गरेको छ। गएराती भएको खेलमा बार्सिलोनाले सेभिलालाई ४-२ गोल अन्तरले पराजित गरेको हो।  बार्सिलोनासँगको यो हार सँगै सेभिलाको लगातार ४ खेलमा जितको सिलसिलाको अन्त्य

बार्सिलोना बराबरीमा रोकियो, रियल र बार्सालाई उछिन्दै सेभिला लिगको शिर्ष स्थानमा 

काठमाडौँ।  स्पेनिस ला लिगामा बार्सिलोना बराबरीमा रोकिएको छ।  गएराती भएको खेलमा बार्सिलोना भलेन्सियासँग १-१ गोलले बराबरी रोकिएको हो।  बार्सिलोनाका लागि लियोनेल मेसीले गोल गरेका थिए भने भलेन्सियाका लागि इजेक्वेल गेरीले गोल

मेसी प्रेरित बार्सिलोनाको टोटनह्याममाथि सहज जित 

काठमाडौँ।  च्याम्पियन्स लिग अन्तर्गत बार्सिलोनाले टोटनह्यामलाई पराजित गरेको छ।  गएराती भएको खेलमा बार्सिलोनाले टोटनह्यामलाई ४-२ले पराजित गरेको हो।  बार्सिलोना जितमा लियोनेल मेसीले २ गोल गरे भने फिलिप कोटीन्हो र इभान रकिटिकले

घरेलु मैदानमा बार्सिलोना बिल्बाओसँग बराबरीमा रोकियो 

काठमाडौँ।  स्पेनिस ला लिगामा बार्सिलोनालाई उसकै घरेलु मैदानमा एथलेटिको बिल्बाओले बराबरीमा रोकेको छ।  गएराती भएको खेलमा बिल्बाओले बार्सिलोनालाई १-१ गोलको बराबरीमा रोकेको हो।  १-० ले पछि परेको बार्सिलोनालाई खेलको ८४औ मिनेटमा


z