- २०८१ बैशाख १५ शनिबार
काठमाडौं । नेकपा एमालेका अध्यक्ष केपी शर्मा ओलीले कानूनमन्त्री घनराज गुरुङलाई कटाक्ष गर्दै बुथ कब्जा सदर गर्नेलाई न्यायाधीशको उपहार दिएको आरोप लगाएका छन् ।
प्रतिनिधिसभाको बैठकमा बोल्दै ओलीले बुथ कब्जा गरेर भएको निर्वाचन धाँधलीरहित भनेर सिफारिसस गरेका निर्वाचन अधिकृतलाई न्यायाधीश बनाएको आरोप लगाएका हुन् ।
उनले भने, ‘जित्नको लागि ९९ प्रतिशत मत खसालेको छ । ९९ प्रतिशत मत खस्छ काहीँ ? दश प्रतिशत खाडीमा छन् । केही मान्छेमाथि गए ती पनि मत खसाल्न आए । कति पपुलर पितृले पनि मत खसाले । बुथ कब्जा गराउने अधिकृतलाई न्यायाधीशमा नियुक्त गरेर पुरस्कृत गरियो । अब ती न्यायाधीशबाट न्याय सम्पादन कस्तो होला । उनको त बानी नै छ । मरेका मान्छेले भोट हाल्न पाइन्छ भन्ने ।’
