- २०८१ बैशाख १५ शनिबार
काठमाडौं । चीनको हाङ्चउमा जारी १९औं एशियन गेम्स आज समापन हुँदैछ । समापन समारोह हाङ्चउस्थित ओलम्पिक खेलकुद स्टेडियममा नेपाली समयअनुसार साँझ पौने ६ बजे सुरु हुनेछ । समापन समारोह लगभग ७५ मिनेट चल्नेछ ।
एशियन गेम्समा ४८१ स्वर्ण पदकका लागि ४५ राष्ट्रका १२ हजारभन्दा बढी खेलाडीले ४० खेलका ६१ भन्दा बढी विधामा प्रतिस्पर्धा गरेका छन् ।
प्रतियोगिताको अन्तिम दिनसम्म आयोजक राष्ट्र चीनले पदक तालिकामा अग्रता कायमै राखेको छ । पछिल्लो पदक तालिकाअनुसार चीन २०१ स्वर्ण, १११ रजत र ७१ कास्यसहित कुल ३८३ पदक जितेर शीर्ष स्थानमा छ।
दोस्रो स्थानको जापानले ५२ स्वर्ण, ६७ रजत र ६९ कास्य पदक जितेको छ । दक्षिण कोरिया ४२ स्वर्ण, ५९ रजत र ८९ कास्यसहित तेस्रो स्थानमा छ । २८ स्वर्ण, ३८ रजत र ४१ कास्यसहित भारत चौथौ स्थानमा छ । प्रतियोगितामा नेपालले भने करातेमा एक रजत र महिला कबड्डीमा एक कास्यसहित दुई पदक मात्र जितेको छ ।
ऐतिहासिक रजत पदक विजेता करातेकी एरिका गुरुङले एसियाली खेलकुद समापनमा नेपालको राष्ट्रिय झण्डा बोक्ने छिन् ।
सहभागी ४५ देशमध्ये २७ देशले स्वर्ण पदक जितेका छन् । नेपालसहित ४१ देशले पदकको खाता खोलेका छन् । त्य्सैअग्री ४ देशले कुनै पदक जित्न सकेनन् ।
