- २०८१ बैशाख १६ आइतबार
काठमाडौँ । नेपालकै सर्वोकृष्ट भोड्का, रुस्लानले उत्कृष्ट भोड्का उत्पादनको आफ्नो ५०औ वर्ष पार गरेको छ । सन् १९७३ मा स्थापना भएको रुस्लान भोड्का स्थापना कालदेखि नै उत्कृष्ट गुणस्तर कायम गर्न सफल रहँदै आएको छ ।
यसै अवसरमा बहु प्रतिष्ठित ब्रान्ड रुस्लानले रोयल नेपाल गल्फ क्लबसँगको सहकार्यमा गल्फ प्रतियोगिता आयोजना गर्दैछ । नेपालमै गल्फको सुरुवातकर्ता रोयल नेपाल गल्फ क्लबले पनि आफ्नो सञ्चालनको १०७औं वर्ष मनाउँदै छ । यसै अवसरमा रुस्लान र रोयल नेपाल गल्फ क्लब दुवै मिलेर 'रुस्लान ५०औं वार्षिकोत्सव गल्फ प्रतियोगिता' गल्फ प्रतियोगिता आयोजन गर्न गइरहेको हो ।
जावलाखेल ग्रुप अफ इण्डष्ट्रिजका निर्देशक श्रीहर राणाले भने- 'रुस्लानको पाँच दशक यात्रा र रोयल नेपाल गल्फ क्लबको १०७ औं वर्षको यात्रालाई प्रतिबिम्बित गर्दै यस गल्फ प्रतियोगिता गर्न पाउँदा हामी गौरवान्वित छौ । उत्कृष्टताको साथै यस ब्राण्ड प्रति सहेको विश्वासलाई सदा कायम राख्ने प्रतिबद्धता दिन्छौं ।'
रुस्लान गल्फ प्रतियोगिता यहि कार्तिक १७ र १८ गते रोयल नेपाल गल्फ क्लबमा आयोजना हुन गइरहेको छ जसमा १३० जना रोयल नेपाल गल्फ क्लब सदस्यहरूको प्रतिस्पर्धा हुनेछ । यस प्रतियोगितालाई रुस्लान र रोयल नेपाल गल्फ क्लब दुवैले एकअर्कालाई प्रवर्द्धन गर्न र एक उत्सवको रुपमा मनाउन आयोजना गरिएको हो ।
