- २०८१ बैशाख १५ शनिबार
न्युयोर्क । यदि तपाइँ एप्पलको पछिल्लो स्मार्टवाच श्रृंखला किन्ने योजनामा हुनुहुन्छ भने एकछिन रोकिनु होस । हो, अब तपाइँ यसलाई अहिले किन्न सक्षम हुनुहुने छैन। वास्तवमा कम्पनीले अमेरिकामा वाच अल्ट्रा २ र ९ सिरिजको बिक्रीमा प्रतिबन्ध लगाएको छ । र यो चाँडै अमेजन र अन्य ई– कमर्स वेबसाइटहरूबाट पनि विक्रीका लागि हटाइनेछ। अब यदि तपाई सोच्दै हुनुहुन्छ कि कम्पनीले किन यस्तो गर्यो भने, वास्तवमा यसको कारण पेटेन्ट विवाद हो ।
अमेरिकामा यी एप्पल स्मार्टवाचहरू बिहीबारदेखि अनलाइन र कम्पनीको वेबसाइट र स्टोरहरूमा आइतवारदेखि उपलब्ध भएका छैनन । वास्तवमा एप्पलले यो निर्णय गरेको हो किनभने अक्टोबरमा अन्तर्राष्ट्रिय व्यापार आयोगले मेडिकल टेक्नोलोजी कम्पनी मासिमोसँग बौद्धिक सम्पत्ति विवादको एक भागको रूपमा रगत अक्सिजन मापन सुविधा भएको एप्पल घडीहरू प्रतिबन्ध लगाउने निर्णय गरेको थियो। आईटीसीको यो निर्णय समीक्षा गर्न व्हाइटहाउससँग ६० दिनको समयसिमा थियो ।
यस अवधिमा पनि कम्पनीले आफ्नो घडी बिक्री जारी राख्यो। तर, अब एप्पलले अहिले अमेरिकामा वाच अल्ट्रा २ र ९ सिरिज नबेच्ने निर्णय गरेको छ । कम्पनीले यदि आईटीसीले आफ्नो निर्णय परिवर्तन नगरेमा त्यसलाई सम्बोधन गर्न आवश्यक सबै कदम चाल्ने र सकेसम्म चाँडो घडी बिक्री पुनः सुरु गर्ने बताएको छ।
आईटीसीको आदेशमा ब्लड अक्सिजन फिचर भएका स्मार्ट वाचमा प्रतिबन्ध लगाइएको छ । यो नभएको घडी अर्थात् एप्पल वाच एसई भने अमेरिकामा बेचिनेछ। मानिसहरूले पहिले नै खरिद गरिसकेका स्मार्ट घडीहरूमा कुनै आईटीसी नियम लागू हुने छैन।
