- २०८१ बैशाख १५ शनिबार
काठमाडौँ । नेपालका पुर्व क्रिकेट कप्तान ज्ञानेन्द्र मल्लसहित तीन जनाले आइसीसीको लेभल- २ कोचिङ कोर्स पास गरेका छन् ।
नेपाल क्रिकेट संघ (क्यान) का अनुसार पूर्वकप्तान ज्ञानेन्द्र मल्ल, शक्ति गौचन र रिजन प्राजुले आइसीसीको लेभल- २ को कोचिङ कोर्स उतिर्ण गरेका हुन् ।
सिंगापुरमा सम्पन्न कोचिङ कोर्समा ज्ञानेन्द्र शिर्ष स्थानमा रहेका थिए भने शक्ति दोस्रो र रिजन तेस्रो भएको क्यानले जनाएको छ ।
आइसीसीको लेभल- २ तहको कोचिङ कोर्स उतिर्ण गरेपछि अब तिनै जनाले स्थानीय, जिल्ला र प्रदेशस्तरको तथा जुनियर तहका क्रिकेट खेलाडीलाई कोचिङ गर्न सक्ने छन् ।
