काठमाडौँ । रोयल च्यालेन्जर्स बैंगलोरले वुमन्स प्रिमियर लिगको उपाधि जितेको छ ।
गएराती सम्पन्न फाइनल खेलमा बैंगलोरले दिल्ली क्यापिटल्सलाई ८ विकेटले पराजित गर्दै वुमन्स प्रिमियर लिगको उपाधि जितेको हो ।
दिल्ली क्यापिटल्सले दिएको ११४ रनको लक्ष्य पछाएको बैंगलोरले १९.३ ओभरमा २ विकेट गुमाउदै लक्ष्य पुरा गरेको थियो । यस अघि पहिला ब्याटिंग गर्दै दिल्लीले १८.३ ओभरमा ११३ रन बनाएर अल आउट भएको थियो ।
पुरुष आइपिएलमा १६ सिजनसम्म उपाधि नजितेर आलोचित बनेको बैंगलोरका लागि महिला टिमले भने दोस्रो सिजनमै उपाधि जिताएका छन् । वुमन्स प्रिमियर लिगको पहिलो सिजन भने मुम्बई इण्डियन्सले जितेको थियो ।